Densaýlyq saqtaý salasyna qosymsha 6,5 mlrd teńge bólinedi.
Aldaǵy ýaqytta Almatynyń birneshe aýdanynda otbasylyq-dárigerlik ambýlatorıa boı kóteredi. Bul týraly Almaty ákimi Erbolat Dosaev máslıhat otyrysynda aıtty, dep habarlaıdy Almaty-akshamy.kz.
«Densaýlyq saqtaý salasynda 6,5 mlrd teńge qarastyrylǵan. Bul qarajat Balalardyń shuǵyl medısınalyq kómek ortalyǵynyń operasıalyq blogy bar qabyldaý bólimshesiniń qurylysyn aıaqtaýǵa (1,9 mlrd. teńge), Túrksib, Alataý, Jetisý aýdandarynda 4 otbasylyq-dárigerlik ambýlatorıa salýǵa (850 mln. teńge), Bostandyq aýdanynda emhana salý úshin 2 jer ýchaskesin (2,2 mlrd. teńge) satyp alýǵa, 15 densaýlyq saqtaý obektisin salý jáne rekonstrýksıalaý boıynsha jobalaý-smetalyq qujattamany ázirleýge (24,4 mln. teńge) baǵyttalǵan», - dedi qala ákimi.
Sonymen qatar, ákimniń aıtýynsha, qalanyń medısınalyq-áleýmettik mekemelerinde turatyn psıhonevrologıalyq aýrýlary bar adamdar men jalǵyzbasty zeınetkerler úshin tamaqtaný sapasyn arttyryp, rasıonnyń túrlerin kóbeıtý úshin 2020 jyldan beri ózgermegen bes mezgil tamaqtaný quny 1300 teńgeden 3 000 teńgege deıin kóbeıtilgen.
Bul maqsatqa qosymsha 382 mln teńge bólinedi, jalpy somasy 1,2 mlrd teńgeni quraıtyn bolady.
Halyqty áleýmettik qoldaýǵa barlyǵy 2,3 mlrd teńge qosymsha qarajat qarastyrylǵan.