Almatyda kún saıyn 50-den astam qutqarýshy, 12 tehnıka jáne 19 qyzmettik ıt kezekshilikke shyǵyp, tótenshe jaǵdaıǵa tap bolǵan almatylyqtarǵa kómek kórsetedi, dep habarlaıdy aqshamnews.kz
Bul týraly Almaty qalasy Tótenshe jaǵdaılardy joıý basqarmasynyń basshysy, azamattyq qorǵaý podpolkovnıgi Dmıtrıı Iarsev jáne qutqarý qyzmetiniń ókili Hozy Búrkitbaıhan málimdedi.
Dmıtrıı Iarsevtiń aıtýynsha, Almatyda eki negizgi qutqarý jasaǵy jumys isteıdi — Respýblıkalyq jedel-qutqarý jasaǵy (RJQJ) jáne qalalyq qutqarý qyzmeti. Olardyń quramynda 308 maman men 447 tehnıka, sonyń ishinde úsh tikushaq bar. Kúndelikti kezekshilikte 42 qutqarýshy, 7 tehnıka jáne 6 qyzmettik ıt bar RJQJ, sondaı-aq 5 tehnıka men 13 ıt bar 14 qutqarý qyzmetiniń qyzmetkeri bolady.
Sonymen qatar, TJD ókili Dmıtrıı Iarsev eriktilermen, sonyń ishinde «Qutqarýshylar men jolserikterdi taýǵa daıarlaý ortalyǵy», «Lıder KZ» jáne Álpınızm federasıasy sıaqty uıymdarmen mańyzdy seriktestik ornatylǵanyn atap ótti. Qazirgi ýaqytta sportshylar, álpınıser jáne jol talǵamaıtyn kólikterdiń ıeleri qatarynan 258 erikti qutqarýshy tirkelgen.
Hozy Búrkitbaıhannyń aıtýynsha, 2024 jyldyń alǵashqy toǵyz aıynda 210 izdeý-qutqarý operasıasy júzege asyryldy, olardyń 208-i taýda ótti. Bul operasıalar barysynda 396 adam, onyń ishinde 59 bala qutqaryldy.