Terorızmge qarsy kúres búginde árbir eldiń ishki jáne syrtqy saıasatynyń basty baǵyttarynyń birine aınaldy.
Jasóspirimderdi terorızm týraly maǵlumat berý jáne terorıstik toptardyń qaýpi jaıly nasıhattaý baǵytynda Almatyda №79 mektep-gımnazıasynyń kitaphanasynda "Terorızmmen kúres—barshanyń mindeti" taqyrybynda jıyn ótti, dep habarlaıdy aqshamnews.kz.
Beıbitshilik pen tatýlyqty arqaý etken memlekettiń bıligin kúıretýge áser etetin búgingi tańda búkil álem boıynsha jahandyq másele - terorızm. Qazirgi ýaqytta, terorızm men ekstremızmniń taralý qaýpi elimizdiń qaýipsizdigin tónetin shynaıy qaýipke aınalyp otyr.
"Terror" sóziniń maǵynasy latyn tilinen aýdarǵanda, qorqynysh, úreı degen uǵymdy bildiredi.
Terorızmdi kóp obektili qylmys túrine jatqyzady. Qylmystyń obektıvtik jaǵy - jarylys jasaý, órt qoıý nemese adamdardyń qaza bolýy, eleýli múliktik zıan keltirý ne qoǵamǵa qaýipti ózge de zardaptardyń týyndaý qaýipin tóndiretin ózge de is-áreketter jasaý", - dep túsindirildi qatysýshylarǵa.