Terekýr – qalanyń ortaq menshigi
Amatylyqtar terenkýrde júretin elektrosamokat qozǵalysyna narazy. Olar tyıym salý belgilerine nemquraı qaraıtynyn jáne jazasyz qalyp otyrǵanyn aıtty, dep habarlaıdy Almaty-akshamy.kz QazAqparat-qa silteme jasap.
«Terekýr – qalanyń ortaq menshigi. Sondyqtan jaýapty adamdarǵa barlyq belgilerdi qalpyna keltirýdi tapsyrdym. Jyljymaly kúzet qyzmetterin quramyz, polısıa departamentine erejeniń saqtalýyn jiti qadaǵalaýdy tapsyrdym. Aýdan ákimi bul máseleni baqylaýda ustaıtyn bolady», - dedi shahar basshysy.
Óz kezeginde Almaty qalalyq polısıa departamentiniń bastyǵy Qanat Taımerdenov atalǵan aýmaqta búgingi kúni barlyq belgiler tolyǵymen qalpyna keltirilip, polısıa jasaqtary kúsheıtilgenin aıtty.
«Biz kún saıyn kem degende úsh adamdy jaýapqa tartamyz - bul elektrosamokat mingender. Negizinde ol jaqqa kámeletke tolmaǵan balalar barady, sondyqtan jaýapqa olardyń ata-analaryn tartamyz», - dedi departament basshysy.
Erbolat Dosaev qalada depýtattar men ákimdik qyzmetkerleri elektrosamokat qozǵalysyn retteýge qatysty usynys ázirlep jatqanyn aıtty.
«Retke keltiretin ýaqyty keldi. Terenkýr aýmaǵynda ǵana emes, jalpy qala boıynsha», - dedi ol.