Bastama Almaty ákimi Erbolat Dosaevtyń tapsyrmasy boıynsha iske asyryldy.
Almatyda "Ten Qogam" múgedektigi bar adamdardy áleýmettik qoldaý ortalyǵynyń taǵy bir fılıaly ashyldy, dep habarlaıdy Almaty-akshamy.kz
Jańa fılıal Alataý aýdanynda, Taldyaral, 13 mekenjaıyn boıynsha esigin aıqara ashty. Bastama Almaty ákimi Erbolat Dosaevtyń tapsyrmasy boıynsha iske asyryldy. Qazir qalada jeti fılıal jumys jasaıdy, onyń 5-i jyl basynan beri eki aı ishinde ashyldy (qalǵan 2-i ótken jyly jumysyn bastady): Bostandyq, Jetisý, Áýezov, Medeý jáne Alataý aýdandary. Naýryz aıynyń sońyna deıin "Ten Qogam" ortalyqtary qalanyń barlyq aýdandarynda qol jetimdi bolý úshin endi Túrksib jáne Almaly aýdandarynda fılıal ashý josparlanýda.
Ortalyqtyń fılıaldarynda múmkindigi shekteýli almatylyqtar túrli máseleler boıynsha keńes ala alady, jumysqa ornalasýǵa járdemdesedi, oqytýǵa kómek alady, taǵylymdamadan ótýge joldama alady, psıhologıalyq kómek alady jáne t.b. til úırenýge, oqytý nemese biliktilik kýrstaryna jazyla alady. Búginde "Ten Qogam" barlyq fılıaldarynda 3 600-ge jýyq almatylyqtar túrli qyzmetter aldy.
Tıimdi jumys isteý úshin ortalyqtar qoǵamdyq uıymdarmen shart jasasady. Olardyń qatarynda "Altyn time" múgedekter qoǵamy" QB, "Úmit" sańyraý múgedekterdi qoldaý ortalyǵy, "Shyraq" múgedektigi bar áıelder qaýymdastyǵy" QB, "Inclusion.kz" múgedektigi bar adamdardyń zańdy quqyqtary men múddelerin qorǵaý úshin "Kedergisiz KZ" múgedektigi bar adamdar qoǵamy" QB bar.