Áýezov aýdandyq múgedekter qoǵamy 1988 jyly qurylǵan.
«Úmit» sańyraý múgedekterdi qoldaý ortalyǵy» qoǵamdyq qory «Namys» joǵary bilimdi múgedekter qoǵamdyq birlestigimen birlese otyryp, Áýezov aýdanyndaǵy «Teń qoǵam» múgedekterdi áleýmettik qoldaý ortalyǵynyń fılıalyn ashady, dep habarlaıdy Almaty-akshamy.kz.
Qazir elimizde 670 myńnan astam múmkindigi shekteýli jan, Almaty qalasynda 56 myńnan astam múmkindigi shekteýli jan turady.
Múgedekter arasynda olardy qoǵamǵa tıimdi beıimdeý úshin psıhologıalyq, quqyqtyq qoldaý, turmystyq, áleýmettik jáne qarjylyq daǵdylarǵa oqytý qajet.
Almatyda Jandosov, 69 mekenjaıynda Áýezov aýdanynda múmkindigi shekteýli jandardy áleýmettik qoldaý ortalyǵynyń bólimshesi ashylyp jatyr.
Bul Ortalyqta múgedekter quqyqtyq, psıhologıalyq, áleýmettik-pedagogıkalyq, bilim berý jáne basqa da máseleler boıynsha aqparattyq, konsýltasıalyq jáne resýrstyq qoldaý ala alady;
Uıym týraly qysqasha málimet. «Úmit» múgedekterdi qoldaý ortalyǵy 1997 jyly estimeıtin azamattardyń kúndelikti ómirde de, qoǵamdyq ómirde de kezdesetin máselelerin sheshýge kómektesý úshin qurylǵan.
«Namys» joǵary bilimi bar múgedekterdiń qoǵamdyq birlestigi 2002 jyly qurylǵan, negizgi mindeti men maqsaty ınklúzıvti bilim berýdi, sondaı-aq barlyq ınfraqurylymǵa qoljetimdilikti qamtamasyz etý jáne damytý bolyp tabylady.
Áýezov aýdandyq múgedekter qoǵamy 1988 jyly qurylǵan, tirek-qımyl apparaty múgedekteriniń basyn biriktirip, bos ýaqytyn qamtamasyz etý, ázirlengen jospar aıasynda is-sharalar, spartakıada, buqaralyq is-sharalar ótkizý.