Eriktiler azyq-túlikten qınalǵan halyqqa qolushyn sozyp, úı-úıdi aralap tegin nan taratyp júr, dep habarlaıdy Almaty-akshamy.kz Baq.kz-ke silteme jasap.
Qalada birneshe kúnnen beri azyq-túlik tapshylyǵynan qınalǵan turǵyndarǵa erikteler tegin nan taratyp júr. Eriktiler búgin «Taýgúl-2» yqshamaýdany turǵyndaryna «Aqsaı nan» zaýytynyń bir qorap nanyn jetkizgen.
«Úıde otyrǵanmyn, daladan daýys kúsheıtkishpen «nan alyńyzdar, tegin nan» degen daýystar shyqty. Barsam, 3-4 jigit kólikten bir qorap nandy túsirip, «kórshilerińizge taratyp berersiz» dep tastap ketti. Keıin kórshilerdiń barlyǵy kelip ala bastady. Eriktiler qandaı qordan, qandaı mekemeden ekenderin aıtpady. Osyndaı qıyn sátte qolushyn sozyp jatqan adamdarǵa myń alǵys», - deıdi qala turǵyny Erden Smaıyl.
Aıta ketsek, qaladaǵy jaǵdaı turaqtalyp keledi. Qala ákimdigi azyq-túlik tapshylyǵy bolmaıtynyn jáne búginnen bastap iri azyq-túlik dúkenderi ashyla bastaıtynyn habarlady.