Almatyda kóshetterdi tegin taratý boıynsha «Jasyl aýla» kúzgi aksıasy bastalady
Almaty qalasynyń Ekologıa jáne qorshaǵan orta basqarmasy jyl saıyn ótetin «Jasyl aýla» aksıasy aıasynda qalany kógaldandyrý jáne jasyl qordy saqtaý baǵdarlamasyn jalǵastyryp keledi. Osy maýsymdaǵy aksıanyń bastalýy «Taza Qazaqstan» respýblıkalyq baǵdarlamasyna oraılastyryldy, dep habarlaıdy aqshamnews.kz
2024 jyldyń kúzgi kezeńinde qala turǵyndary kópqabatty úılerdiń aýlalary men qoǵamdyq oryndardy kógaldandyrý úshin japyraqty aǵashtardyń kóshetin tegin ala alady.
Kóktemgi kezeńde ótken aksıaǵa qala turǵyndary belsendi qoldaý kórsetti: jeke jáne zańdy tulǵalardan 200-den astam ótinim qabyldandy. Kóktemgi naýqannyń nátıjesinde turǵyndarǵa 3 myńnan astam japyraqty aǵash kóshetteri taratyldy. Bul bastama qala turǵyndarynyń ekologıalyq belsendiligin arttyrý jáne megapolıs turǵyndary úshin jaıly jasyl aımaqtar qurý boıynsha mańyzdy qadam boldy.
Aksıanyń kúzgi kezeńi azamattardan ótinim qabyldaýdan bastalady. 2024 jyldyń 23 qyrkúıegi men 4 qazany aralyǵynda almatylyqtar kópqabatty úılerdiń aýlalary men jalpyǵa ortaq aýmaqtarǵa aǵash otyrǵyzý úshin kóshet alýǵa ótinim bere alady. Ótinim qabyldaýdyń bastalǵany týraly aqparat Almaty qalasy ákimdiginiń resmı saıtynda jarıalanady.
Aksıaǵa qatysý úshin Jasyl.aula.almaty@gmail.com elektrondy poshtasyna mynadaı málimetterdi jiberý qajet:
- Bastamashyl tulǵanyń aty-jóni jáne baılanys derekteri, otyrǵyzylatyn jerdiń naqty mekenjaıy;
- Josparlanǵan otyrǵyzý ornynyń birneshe fotosýreti (oryndy baǵalaý úshin panoramalyq fotosýret bolǵany jón);
- Qajetti kóshetterdiń sanyn kórsetý.
Kóshetter 2024 jylǵy 12-13 qazanda Almaty qalasy, Áýezov aýdany, Iýrıı Kım kóshesi, 9-úı mekenjaıynda («Eco Almaty» JSHS) taratylady. Aksıaǵa qatysatyn turǵyndar aǵash otyrǵyzǵannan keıin fotoesep usynýy qajet.
Aksıa týraly qosymsha aqparat alý úshin Almaty qalasynyń Ekologıa jáne qorshaǵan orta basqarmasynyń jasyl qor monıtorıńi jáne basqarý bólimine +7 771-161-98-50 telefony arqyly habarlasýǵa bolady.
«Jasyl aýla» aksıasy – Almaty turǵyndarynyń shahardy kógaldandyrýǵa, ony odan ári jasyl ári jaıly etýdiń tamasha múmkindigi.