Aldaǵy jyldary elimizde aqparattyq-kommýnıkasıalyq tehnologıalar sektoryndaǵy áıelderdiń úlesi 45%-ke jetedi.
Qazirgi kórsetkish – 30%. Sondyqtan qyz-kelinshekterdi aqparattyq tehnologıa baǵytyna kóbirek tartý kerek. Bul týraly Almatyda ótken trenıńte aıtyldy, dep habarlaıdy Almaty-akshamy.kz 24.kz-ke silteme jasap.
Sharany komersıalyq emes uıymdardyń biri uıymdastyrdy. Basqosý barysynda startaptan bıznes bastaý, sıfrlyq transformasıalaý men kásipkerlikti qazirgi ózgeristerge beıimdeý baǵyttary talqylandy. Uıymdastyrýshylardyń aıtýynsha, byltyr IT-Aiel baǵdarlamasyna 2500-den astam jumyssyz áıel tartylǵan. Olar aqparattyq tehnologıalar salasyndaǵy mamandyqtardy meńgergen. Atap aıtqanda, saıttar men mobıldi qosymshalar jasaýdy úırenip, óz qyzmetterin frılanserlik alańdarda satýǵa daǵdylanǵan.
«Osy jyldan bastap Technogirls degen klýbymyz ashyldy. Bul klýbta 16 jastan 23 jasqa deıingi stýdent qyzdar aqysyz oqý ala alady. No-code-low-code degen – oqýdyń aty. Ol siz kodty jatyq meńgermeı-aq, ózińizdiń saıtyńyzdy, qosymshańyzdy jasaı alasyz jáne de ony qalaı satýǵa bolatynyn úırene alasyz. Buny qyzdar 1 naýryzdan bastap aqysyz oqyp jatyr», - deıdi Komersıalyq emes uıymnyń atqarýshy dırektory Baljan Baltabaeva.