Megapolıste «Almaty – bizdiń ortaq úıimiz» naýqanynyń úshinshi aptasy bastaldy. Sonyń aıasynda «Taza qasbetter» aksıasy jarıalandy.
Aksıa 22-28 sáýir aralyǵynda ótedi. Munda komýnaldyq menshiktegi ákimshilik ǵımarattar (memlekettik obektiler), bıznes-qurylymdardyń qurylystary men jeke turǵyn úıler (PIK, MIB) qamtylady. Aksıa aıasynda ǵımarattardyń qasbetin tazalaý, shyny terezelerdi/vıtrınalardy jýý, bet jaǵy temirden jasalǵan jekelegen elementterdi (baspaldaqtar, balústrada, tereze torlary, tutqalar jáne t.b.) syrlaý, mańdaıshalar men bılbordtardy retke keltirý, ruqsat etilmegen graffıtıden, jazýlardan tazartý.
Budan basqa obektilerdiń menshik ıelerimen abattandyrý qaǵıdalarynyń talaptaryn saqtaý qajettiligi jáne olardy buzǵany úshin 20-dan 100 AEK mólsherinde kózdelgen ákimshilik jaýapkershilik týraly túsindirý áńgimeleri júrgiziletin bolady.
Anyqtama úshin: Abattandyrý qaǵıdalarynyń 148-tarmaǵyna sáıkes «Qaramaǵynda ǵımarattar men qurylystar bar kásiporyndar men uıymdardyń basshylary, ǵımarattar men qurylystardyń menshik ıeleri atalǵan obektilerdiń qasbetterin jáne olardyń jekelegen elementterin (balkondar, Lodjıalar, sýaǵar qubyrlary jáne basqalary) qalpyna keltirý, jóndeý jáne syrlaý boıynsha jumystardyń ýaqtyly júrgizilýin qamtamasyz etýi, sondaı-aq olardyń tazalyǵy men jaramdy jaı-kúıin saqtaýy qajet qasbetterde ornalasqan aqparattyq taqtaıshalar, eskertkish taqtalar».
Esterińizge sala keteıik, 8 sáýir men 8 mamyr aralyǵynda Almatyda «Almaty – bizdiń ortaq úıimiz» naýqanynyń ótetini jarıalandy. Qalany abattandyrý men tazalaýǵa kez kelgen adam qatysa alady. Naýqannyń úshinshi aptasynda 22-28 sáýir aralyǵynda taý, ózender men sý aıdyndarynyń jaǵalaýlaryn, sondaı-aq qalanyń saıabaqtary men alańdaryn qoqystan jappaı tazartyp, aǵash otyrǵyzylady.
«Almaty – bizdiń ortaq úıimiz» naýqany týraly barlyq aqparat almaty.kz saıtynda, Almaty ákimdiginiń áleýmettik jelilerinde ornalastyrylǵan. Sondaı-aq, veb-saıtqa qala boıynsha bannerlerde, plakattarda arnaıy ornalastyrylǵan QR-kod arqyly da kirýge bolady.
Áleýmettik medıa naýqanynyń belsendi qatysýshylaryna arnalǵan heshtegter:#AlmatyNashObshııDom,#NasMnogoGorodOdın,#AlmatyBizdińOrtaqÚıimiz,#BizKóppizQalajalǵyz.