1 qarashadan bastap.
Áleýmettik kómektiń mólsheri 0,6 AEK bolyp, 1725 teńgeden 2070 teńgege deıin ósedi, dep habarlaıdy Almaty-akshamy.kz
Almaty máslıhatynyń Muqtaj azamattardyń jekelegen sanattaryna komýnaldyq qyzmetterge tarıfterdiń kóterilýine baılanysty áleýmettik kómek kórsetý jáne ótemaqy tóleý mólsherin belgileý qaǵıdasyna ózgeris engizetin sheshim ázirlendi.
Túsindirme qujatta buǵan elektr energıasy tarıfteriniń kóterilýi sebep bolǵany jazylǵan.
Budan bólek, áleýmettik kómek kórsetý merzimi 2024 jyldyń 30 maýsymyna deıin uzartyldy. Buryn ereje 2023 jyldyń 31 jeltoqsanyna deıin jaramdy bolǵan.
Eger kórsetiletin qyzmetti alýshy 2023 jylǵy 31 jeltoqsandaǵy jaǵdaı boıynsha áleýmettik kómek alýshy bolyp tanylsa, onda oǵan kórsetiletin qyzmetti berýshige habarlaspaı áleýmettik kómek taǵaıyndalady.
2023 jylǵy 31 jeltoqsannan keıin ótinish bergenderge áleýmettik kómek ótinish berilgen aıdan bastap taǵaıyndalyp, tólenedi.
Ákimdiktiń málimetinshe, 2023 jylǵy 1 qarashada 120 myń azamatqa áleýmettik kómek kórsetilgen. Joba qalalyq búdjetten qarjylandyrylady jáne 2023 jyldyń sońyna deıin qosymsha qarajat qajet emes. 2024 jylǵa qarjylandyrý 4 112 mln teńge jáne 315 430 adamǵa eseptelgen.
Qujat 15 qarashaǵa deıin qoǵam bolyp talqylaý úshin Ashyq NQA saıtynda jarıalandy.