Qandy oqıǵa 2015 jyly naýryz aıynda oryn alǵan
Almaty polıseıleri 8 jyl burynǵy kisi óltirý qylmysynyń betin ashty, dep habarlaıdy Almaty-akshamy.kz Zakon.kz-ke silteme jasap.
Qandy oqıǵa 2015 jyly naýryz aıynda oryn alǵan. Jeke júrgizýshi bolyp jumys istegen 60 jastaǵy S. esimdi azamattyń máıiti Almatynyń Túrksib aýdanynda tabylǵan bolatyn.
Sot-medısınalyq saraptama ólimniń tunshyǵýdan bolǵanyn anyqtady.
"Sonymen qatar taksı júrgizýshisiniń Nissan kóliginiń joǵalǵany anyqtaldy. Aıtpaqshy, úsh erkekti qyzyqtyrǵany sol kólik bolatyn. Kúdiktiler qaraqshalyq tonaý jasap, avtokólikti ıemdený maqsatynda kisi óltirý áreketin jasaǵanymen, kólikti ıelik ete almaǵan. Birneshe kúnnen keıin kólik tabyldy", -deıdi Almaty qalalyq polısıa departamenti bastyǵynyń orynbasary Dıdar Ahanov.
Qalalyq krımınaldyq polısıa basqarmasynyń qyzmetkerleri joǵaryda atalǵan qylmysty jasaǵan 30 jastaǵy S. esimdi azamatty, 26 jastaǵy S. esimdi azamatty jáne 29 jastaǵy B. esimdi azamatty ustady. Olar qamaýǵa alyndy.
QR QPK-niń 201-baby jáne QR Konstıtýsıasynyń normalaryna sáıkes qylmystyń basqa da mán-jaılary jarıa etýge jatpaıdy.