Almatydan Qaskeleń men Uzynaǵashqa avtobýs marshrýty ashyldy
Almaty megapolısiniń aglomerasıamen kólik baılanysyn nyǵaıtý maqsatynda 1 qarashadan bastap taǵy úsh qala mańy marshrýty iske qosyldy, dep habarlaıdy aqshamnews.kz
№245 marshrýt: Uzynaǵash aýylynyń avtobeketinen – Tóle bı-Ássaýı avtobeketine deıin. Bul baǵytta úlken syıymdylyqtaǵy 25 avtobýs qyzmet kórsetedi. Qozǵalys ýaqyty: 5:45-ten 23:00-ge deıin. Tasymaldaýshy – «Ecobus service» JSHS.
№254 marshrýt: Qaskeleń – «Sálem» bazary. Munda úlken syıymdylyqtaǵy 16 avtobýs jumys isteıdi. Qozǵalys ýaqyty: 5:50-den 23:00-ge deıin. Tasymaldaýshy – «Mádına» JSHS.
№239 marshrýt: «B.Momyshuly» metro beketi – Dolan aýyly. Bul baǵytta 18 avtobýs qyzmet kórsetedi. Qozǵalys ýaqyty: 5:30-dan 23:01-ge deıin. Tasymaldaýshy – «Neo City Trans» JSHS.
Jol aqysy qala ishindegi sıaqty 120 teńge, barlyq avtobýs «Onay» elektrondy bıletteý júıesimen jabdyqtalǵan.
Aıta ketý kerek, jolaýshylar men júkti avtokólikpen tasymaldaý erejesine sáıkes, bul marshrýttar tasymaldaýshylarǵa baıqaý ótkizilgenge deıin ýaqytsha berildi jáne synaq rejıminde jumys isteıdi. Monıtorıń nátıjesi boıynsha marshrýttardyń qozǵalys syzbalary jolaýshylar legi men halyqtyń qajettiligine qaraı túzetiledi.
Esterińizge sala keteıik, ótken jyly megapolıs basshysy Erbolat Dosaevtyń tapsyrmasymen 600 avtobýs pen 100 troleıbýs satyp alynyp, 50-ge jýyq eldi mekendi qamtıtyn 22 jańa baǵyt, sonyń ishinde 10 qala mańy marshrýty uıymdastyryldy. Bıyl taǵy 600 avtobýs, 112 troleıbýs jáne 100 elektr avtobýsy satyp alyndy.