Almaty qalasy Áýezov aýdany Ótegen batyr kóshesi boıynda ornalasqan qoımada órt shyqty. Qazirgi ýaqytta órt sóndirýshiler tilsiz jaýdy aýyzdyqtaý úshin jedel áreket etýde. Bul týraly Aqshamnews.kz saıty habarlaıdy.
Órtti sóndirý jumystary qalaı júrip jatyr?
Oqıǵa ornyna jetken órt sóndirýshiler joǵary órt júktemesi men qatty tútinniń sóndirý jumystaryn qıyndatyp jatqanyn habarlady. Órt sóndirý shtaby qurylyp, jalynmen kúreske birneshe bólimshe jumyldyryldy.
Órtti sóndirý úshin úzdiksiz sýmen qamtamasyz etý uıymdastyrylǵan.
Zardap shekkender týraly aqparat joq. Qazirgi málimet boıynsha, 112 qyzmetine zardap shekkender týraly habarlama túspegen.
Órttiń shyǵý sebebi anyqtalýda. Tótenshe jaǵdaılar qyzmeti turǵyndardy qaýipsizdik sharalaryn saqtaýǵa jáne órt bolǵan aımaqtan aýlaq bolýǵa shaqyrady.