QR Tótenshe jaǵdaılar mınıstrligine qarasty «Seısmologıalyq baqylaýlar jáne zertteýler ulttyq ǵylymı ortalyǵy» JSHS seısmıkalyq stansalar jelisi kezekti jer silkinisin tirkedi.
Onyń oshaǵy Almatydan ońtústikke qaraı 263 shaqyrym jerde ornalasqan, dep habarlaıdy Almaty-akshamy.kz.
Jer silkinisi 2024 jyldyń 23 qańtarynda Almaty ýaqytymen saǵat 13:19-da tirkeldi.
«Jer silkinisiniń oshaǵy Almatydan ońtústikke qaraı 263 shaqyrym jerde, Qyrǵyzstan men Qytaı shekarasynda ornalasqan. Dúmpýler Qazaqstan aýmaǵynda sezilgen joq», delingen mamandar taratqan habarlamada.
Jer silkinisiniń energetıkalyq klasy – 10,5. Magnıtýdasy MPV – 4,5. Epısentr koordınattary – 41,15° soltústik. 78,48° E. Tereńdigi – 5 km.
Eske salaıyq, 2024 jyldyń 23 qańtaryna qaraǵan túni Almatyda jer silkinisi boldy. Almaty turǵyndary sezingen jerasty dúmpýler bes balǵa jetti.