Almaty qalasy TJD baspasóz qyzmetiniń málimetinshe, shkala boıynsha jer silkinisi 2 baldy qurady.
Bul týraly aqshamnews.kz Kaz.inform.kz-ke silteme jasap habarlaıdy.
— QR TJM «SBZUǴU» JSHS seısmıkalyq stansıalar jelisimen 2024 jylǵy 28 qarashadaǵy Astana ýaqytymen 01 saǵat 32 mınýt 39 sekýndta jer silkinisi tirkeldi. Shkala boıynsha jer silkinisi 2 baldy qurady. Jer silkinisiniń epısentri Qytaı aýmaǵynda Almaty qalasynan ońtústik-shyǵysqa qaraı 318 km jerde ornalasqan, — delingen habarlamada.
Qalalyq TJD málimetinshe, Almaty 9-10 baldyq seısmıkalyq aımaqta ornalasqan.
— Qalada jyl saıyn 200-ge deıin álsiz, sezilmeıtin jer silkinisi bolady. Bul rette 2-den 4 balǵa deıingi jer silkinisi Almaty úshin fondyq rejım bolyp tabylady, — dep eskertti vedomstvo.
Budan bólek, jer silkinisinen keıin «Qazseldenqorǵaý» ATETÝ mamandary ózen arnalaryn, gıdrotehnıkalyq qurylystardy, kóshkin qaýipti jáne sel qaýipti ýchaskelerdi zertteý boıynsha monıtorıń júrgizdi. Sondaı-aq, tirshilikti qamtamasyz etý nysandaryn aralap, tekserý jumystaryn júrgizdi.
— Tekserý nátıjeleri boıynsha zaqymdaný oshaqtary tabylǵan joq. Qazirgi ýaqytta atalǵan obektiler shtattyq rejımde jumys isteıdi. Qıraýlar men zardap shekkender týraly málimet túspedi. Jaǵdaı turaqty, — delingen taratylǵan habarlamada.