Almatynyń qala qurylysyn baqylaý basqarmasy Ahmedıarov kóshesi, 18/58 mekenjaıyndaǵy kólik jýý jáne servıs ortalyǵynyń súrilgeni týraly habarlady.
Jospardan tys tekseris barysynda jobalyq-smetalyq qujattamasyz, avtorlyq jáne tehnıkalyq qadaǵalaýsyz, burynǵy ǵımaratty buzyp, eki birqabatty ǵımarattyń salynyp, olar kólik jýý jáne maı aýystyrý beketi retinde paıdalanylyp jatqany anyqtaldy.
Nysan ıesine qatysty ákimshilik sharalar qoldanylyp, ǵımarattardy buzý týraly nusqama berildi.
2024 jyly 16 qańtarda basqarma Almaty qalasy mamandandyrylǵan aýdanaralyq ekonomıkalyq sotyna atalǵan nusqamany májbúrlep oryndatý týraly talap aryz berdi.
Sot basqarmanyń talabyn qanaǵattandyryp, 2024 jyly 20 maýsymda Almaty qalalyq sotynyń qaýlysymen birinshi satyly sot sheshimi ózgerissiz qaldyryldy.
Búginde sot sheshimin oryndaý maqsatynda zańsyz salynǵan ǵımarattardy ıesi ózi buzyp tastady.