Almatyda turǵyndardyń jańǵyrtylǵan taǵy bir sıfrlyq keńsesi ashyldy. Ol Áýezov aýdany, Jandosov kóshesi, 51 mekenjaıynda ornalasqan. Aıta keter bolsaq, bul qaladaǵy úshinshi jańǵyrtylǵan ortalyq. Ol aldyńǵy ortalyqtar sıaqty Kaizen prınsıpi boıynsha josparlanǵan.
Osylaısha, sıfrlyq keńse túrli tústi gammalarmen bólingen birneshe sektorlardan turady. Mysaly jyldamdyq aımaǵy sary túspen aıryqshalanady. Bul aımaqta 5-10 mınýtta alýǵa bolatyn qyzmetter kórsetiledi. Sonymen qatar, qujattandyrý bólimi qyzyl túste bolsa, daıyn qujattardy berý bólimi jasyl túske ıe. Kúlgin tústi aımaq – jaılylyq aımaǵy, bul jerde azamattar retteý zalynda kórsetiletin ádettegi qyzmetterdi, ıaǵnı zańdy tulǵalardy, jyljymaıtyn múlikterdi tirkeý t.s. sıaqty qyzmetterdi alýlaryna bolady. Sarǵysh tústi aımaqta zeınetaqy, járdemaqy jáne basqa da tólemderdi rásimdeıtin áleýmettik qyzmetter kórsetiledi.
Budan basqa, jańǵyrtylǵan HQKO-da qujattama termınaly ornatylǵan. Termınal arqyly tólqujat pen jeke kýálikke azamattar óz betinshe ótinish bere alady. Daıyn qujattardy berýge arnalǵan táýlik boıy jumys isteıtin postomat ta bar.
Sonymen qatar, bul ortalyqtyń sıymdylyǵy keń kólik turaǵy bar. Kútý zaly da aýqymdy, ana men bala bólmesi de qarastyrylǵan. Áýezov aýdanyndaǵy turǵyndardyń sıfrlyq keńsesine kúnine 4000-ǵa jýyq azamat keledi dep kútilýde.
