Almaty ákimdigi RF-dan kelýshiler sanynyń artýyna baılanysty arnaıy jospar bekitti
Almaty ákiminiń orynbasary Arman Qyryqbaev Óńirlik komýnıkasıalar qyzmetiniń brıfıńinde sóılegen sózinde barlyq memlekettik ınstıtýttar, ásirese kóshi-qon qyzmeti shtattyq rejımde jumys istep, jaǵdaıdy baqylaýda ustap otyrǵanyn habarlady, dep habarlaıdy Almaty-akshamy.kz.
Spıker Qazaqstan Respýblıkasynyń Prezıdenti Qasym-Jomart Toqaevtyń tapsyrmasy aıasynda Almaty qalasynyń ákimdigi Reseı Federasıasy azamattarynyń kelýine qatysty arnaıy jospar daıyndaǵanyn habarlady.
«22-27 qyrkúıek aralyǵynda Almaty qalasyna 5 066 RF azamaty kelip, 4 172 adam oralǵan. 894 reseılik qala aýmaǵynda qaldy. Bul bizdiń qala úshin úlken kórsetkish emes. Almatynyń barlyq qyzmetteri túgel qajetti jumysty oryndaýǵa daıyn. Memlekettik organdar zańǵa jáne halyqaralyq mindettemelerge sáıkes barlyq qajetti kómekti kórsetedi. Iaǵnı, eshqandaı artyqshylyq bolmaıdy», - dedi A. Qyryqbaev.
Sondaı-aq ol barlyq memlekettik mekemeler, ásirese kóshi-qon qyzmeti shtattyq rejımde jumys istep, jaǵdaıdy baqylaýda ustap otyrǵanyn basa aıtty.
Sonymen qatar, qajet bolǵan jaǵdaıda 2000-ǵa jýyq tósek oryndy ornalastyrýǵa bolady.
Almaty qalasy ákimdiginiń Open Almaty qoǵamdyq qabyldaýynyń táýlik boıy tegin koll-ortalyǵy jumys isteıdi. Barlyq ózekti suraqtar boıynsha 1308 (mobıldi qazaqstandyq uıaly baılanys operatorynyń qońyraýy, tek Almaty qalasynda ǵana qoljetimdi) jáne +7 727 338 33 88 (qalalyq telefonnan qońyraý) telefondaryna habarlasýǵa bolady.
Budan basqa, kóshi-qon salasyndaǵy memlekettik saıasatty iske asyrý máseleleri, shetel azamattarynyń Almaty qalasynyń aýmaǵynda bolý erejeleri boıynsha jedel jeli uıymdastyryldy.: +7 727 254-43-17, +7 727 254-46-97.
Árbir aýdan ákimdiginde keńes berýge daıyn jaýapty tulǵalar kezekshilik etedi.
Alataý aýdany ákiminiń apparaty
299-86-72.
Almaly aýdany ákiminiń apparaty
+7 708 683 0294 WhatsApp.
Áýezov aýdany ákiminiń apparaty
303-25-20,
+7 701 964 3536 WhatsApp.
Bostandyq aýdany ákiminiń apparaty
274-96-13.
Jetisý aýdany ákiminiń apparaty
384-27-74.
Medeý aýdany ákiminiń apparaty
291-32-69
+7 702 047 42 73 WhatsApp.
Naýryzbaı aýdany ákiminiń apparaty
305-38-71
+7 708 145 08 01 WhatsApp.
Túrksib aýdany ákiminiń apparaty
251-10-07.
Sonymen qatar, Jetisý aýdanyndaǵy «Qulager» shaǵyn aýdany, Serikov kóshesi, 6a mekenjaıyndaǵy HQKO-da Reseıden kelgen relokanttarǵa qyzmet kórsetý jumystary kúsheıtildi.
Jumys kestesi: jumys kúnderi 9:00-den 18:00-ge deıin, senbi kúnderi – 9:00-den 13:00-ge deıin, jeksenbi – demalys.
Biryńǵaı baılanys ortalyǵy - 1414.
Aıta ketsek, osy jyldyń 26 qyrkúıeginde JSN alýǵa 2070 sheteldik qyzmet alýshy júgingen. Búgin 1700 júgindi, báseńdeýi baıqalady.
Megapolıste sheteldikter kóbeıgen jaǵdaıda, bul azamattarǵa kedergi jasamas úshin qyzmet kórsetýge qosymsha oryn bólinedi.