Kómek qolyn sozýǵa qala turǵyndary, kásipkerler jáne belsendi jastar atsalysty.
Elimizde sý tasqynynan zardap shekken óńirlerge gýmanıtarlyq kómek jınaý jalǵasýda, dep habarlaıdy Almaty-akshamy.kz
Nebári úsh kúnde almatylyqtar 1 tonnadan astam gýmanıtarlyq kómek jınady. Bul azyq-túlik, birinshi kezekte qajetti zattar, kıim-keshek jáne t.b.
Almaty qalasy Almaly aýdanynyń komúnıtı ortalyǵynda ashylǵan qabyldaý pýnktiniń jumysyna qalanyń 10-nan astam iri volonterlik uıymy («QAMQOR CHARITY» QQ, «Qazaqstan volonterlar lıgasy» QQ, SFRM, Black Sea Fund «Newman» jáne t.b.) men 50-den astam erikti jumyldyryldy.
Aıta ketetin nárse, qabyldaý pýnkti aptanyń sońyna deıin jumysyn jalǵastyrady.
Gýmanıtarlyq kómekti kún saıyn saǵat 10.00-den 19.00-ge deıin tapsyrýǵa bolady.
Gýmanıtarlyq kómek kelesi sanattarǵa bólinedi:
- azyq-túlik;
- aýyz sý;
- zattar (kórpe, uıyqtaıtyn qap, jastyq jáne t.b.);
- turmystyq zattar (shatyrlar, termostar, shamdar, qýattaǵyshtar, sháınekter, balalar ydystary jáne t.b.);
- gıgıenalyq quraldar (jórgekter, áıelder gıgıenasy quraldary, sabyn, tis pastasy, sýsabyndar, maılyqtar, dárethana qaǵazy, tazartqysh zattar jáne t.b.);
- dárilik zattar men medısınalyq maqsattaǵy qajettilikter;
- kıim (syrt kıim jáne aıaq kıim).
Mańyzdy! Kıim men zattar taza, al turmystyq zattar tolyq jumys istep turǵan jáne aqaýsyz bolýy kerek, gıgıenalyq zattar jańa, dári-dármektiń jaramdylyq merzimi ótpegen jáne qoldanylýy jónindegi nusqaýlyq bolýy kerek.
Barlyq nıet bildirýshi Almaly aýdanynyń komúnıtı ortalyǵyna habarlasyp, qajetti zattardy tapsyra alady!
Mekenjaıy: Almaly aýdanynyń komúnıtı-ortalyǵy, Baıtursynov kósh., 22k1
Qabyldaý ýaqyty: 10:00-den 19:00-ge deıin
Baılanys nomeri: +7 747 821 64 78; +7 747 540 01 40