Apattyń saldary kún sońyna deıin rettelmek
Almatyda sý qubyry jarylyp, birneshe kósheni sý basty. Komýnaldyq qyzmet turǵyndardy muz bolǵan bul jerden aınalyp ótýge shaqyrdy, dep habarlaıdy Almaty-akshamy.kz.
"Myńbaev kóshesi, 49 mekenjaıynda sý qubyrynyń jarylýyna baılanysty saǵat 3:40-tan bastap soltústik baǵytta ornalasqan kóshelerdi, ásirese, Áýezov kóshesin sý basqan. Sý Raıymbek dańǵylyna deıin jetken, ol jerden múmkindiginshe aryq jelisine burylyp jatyr", - delingen habarlamada.
Kóktaıǵaqtyń aldyn alý úshin Almaty tazalyq MQK qyzmetkerleri jol boıyna 18 qumsepkish kóliktiń kúshimen, trotýarlarǵa 4 trotýar tazalaýshy kólikpen kóktaıǵaqqa qarsy materıal sebýge kiristi.
Komýnaldyq ınfraqurylymdy damytý basqarmasynyń málimetinshe, apattyń saldary búgingi kúnniń aıaǵyna deıin retteletin bolady.
Sý basqan oryndarda kóktaıǵaq jabynynyń paıda bolý yqtımaldylyǵyn eskere otyryp, júrgizýshilerdi jyldamdyqty azaıtyp, kólik arasyndaǵy araqashyqtyqty ulǵaıtyp, apatty jaǵdaıdy týyndatpas úshin oqys áreketter jasamaýǵa shaqyramyz.
Atalǵan aýmaqtardy múmkindiginshe aınalyp ótýge keńes beremiz.
Jaıaý júrginshilerdi trotýarlarmen júrgende saq bolýǵa shaqyramyz.