1 qazan kúni saǵat 09:00-den Almatyda jańbyr jaýa bastady. «Qazgıdromet» RMK boljamyna sáıkes, jaýyn-shashyn 2 qazan saǵat 01:00-ge deıin jalǵasyp, jalpy kólemi 17 mm-ge deıin jetýi múmkin. Saǵat 20:00-den keıin qalada qar aralas jańbyr jaýýy múmkin. Shyǵystan soqqan jeldiń jyldamdyǵy 3-8 m/s, ekpini 13 m/s-qa deıin jetedi. Aýa temperatýrasy +6 °S shamasynda bolady.
Sınoptıkterdiń boljamynsha, 2 qazanǵa qaraǵan túni jaýyn men tuman saqtalady. Túnde aýa temperatýrasy +3…+5 °S, kúndiz +10…+12 °S aralyǵynda bolady.
3 qazanda – aýa raıy bultty, biraq jaýyn-shashynsyz. Túnde +3…+5 °S, kúndiz +13…+15 °S bolady.
Qalada yqtımal sý basýdyń aldyn alý jáne onyń saldaryn joıý maqsatynda komýnaldyq qyzmetterdiń táýlik boıǵy kezekshiligi kúsheıtilgen tártipte uıymdastyryldy. Jumysqa 117 arnaıy tehnıka, 74 motopompa, 14 assenızator kóligi (onyń ishinde 7-ýi qaýipti aımaqtarda) tartylǵan. 81 jedel brıgada (421 jumysshy) motopompa men qajetti qural-jabdyqtarmen qamtylyp, 2 310 qapshyq daıyndaldy.
Almaty qalasy Qutqarý qyzmeti: 1 assenızator kóligi, 15 motopompa, 51 maman.
Almaty qalasy TJD: 58 arnaıy tehnıka, 240 qyzmetker.
Kúndizgi ýaqytta 387 arnaıy tehnıka men 1 808 jumysshy eńbek etedi. Túngi ýaqytta 153 arnaıy tehnıka men 301 jumysshy jumyldyrylǵan.
Qalanyń turǵyndaryna qaýipsizdik sharalaryn saqtap, túngi jáne tańǵy ýaqytta taýly aımaqtarǵa barmaýǵa shaqyrady.