Ispanıanyń áıgili «Real Madrıd» fýtbolshylary Qazaqstanǵa kelgen soń klýbtyń resmı Instagram paraqshasynda Almaty qalasy týraly eki beınerolık jarıalaǵan.
Qalanyń sulýlyǵyn beıneleıtin eki rolık az kúnde 20 mıllıonnan astam qaralym jınap, 100 myńnan asa adam pikir qaldyrǵan.
Vıdeolarda Almatynyń basty nyshandary-Panfılovshylar saıabaǵyndaǵy Voznesensk sobory, óner qaıratkerleriniń eskertkishteri jáne «Kók Tóbe» panoramalyq saıabaǵynan qalaǵa qaraıtyn ádemi kórinis beınelengen. Rolıkte qolyna dombyra ustap, áýendetip turǵan qazaqtyń qara domalaq azamaty men qustardyń erekshe úni de baıqalady. Al qazaqstandyq jankúıerler elimizdi «Realdyq» fýtbolshylardyń áleýmettik paraqshasynan kóremiz dep oılamadyq deıdi: «Qaıran, týǵan jerim! Real paraqshasynan Almatyny kóremin dep oılamadym. Endi bizdi mıllıondaǵan sheteldikter tanýda».
Álemdik sport jankúıerleri úshin fýtbolshylar ǵana emes, elimizdiń ońtústik astanasy Almaty da basty nazarǵa ilikti. Sebebi rolıkten keıin qaladaǵy tarıhı ári týrısik oryndardy kórgisi kelgen oqyrmandardyń sany artqan.