Almatyda 715 myń jas turady, bul qala turǵyndarynyń úshten birin quraıdy. Bul týraly Almaty qalasy ákimi orynbasary A. Qyryqbaev málimdedi, dep habarlaıdy Almaty-akshamy.kz.
Qalada 255 myńnan astam stýdent, onyń ishinde 70% óńirlerden kelgen stýdent bilim alatyn 36 JOO men 94 kolej bar. Jyl saıyn basqa qaladan kelgen túlekterdiń 80%-y Almatyda qalýǵa tyrysady, bul eńbek naryǵyna qosymsha júkteme jasaıdy. Túlekterdiń jalpy sanynan 12 myńǵa jýyq adam jyl boıy jumys taba almaı, jumyssyzdar qataryn tolyqtyrýda. Resmı statısıka derekteri boıynsha, árbir 5-shi jas jumyssyz almatylyq bolyp tabylady.
Munyń sebebi bilim berý sapasynda jatyr. Bilim sapasyna emes, dıplomdarǵa suranys basym. Bul rette jastar arasynda jumysshy mamandyqtarynyń bedeli tómen. Boljam boıynsha, taıaý jyldary aspaz, tiginshi, satýshy, qosalqy jumysshylar, slesar-jóndeýshiler jáne t.b. sıaqty biliktiligi ortasha jáne tómen kásipter neǵurlym suranysqa ıe bolady.
Bilim berý deńgeıimiz árdaıym jańa jaǵdaılarǵa sáıkes kele bermeıdi jáne naryqty qajetti kadrlarmen qamtamasyz etýge daıyn emes.
Osy jáne basqa sebepterge baılanysty NEET sanatyndaǵy jastardyń úlesi artyp keledi. Resmı derekter boıynsha, 14 jastan 29 jasqa deıingi jastar arasynda bul sanatqa 27,7 myń jas kiredi, bul 6,3%-dy quraıdy. Resmı emes málimetter boıynsha, olardyń sany 50 myńdy quraıdy.
Budan basqa, stýdenttik jataqhanalar men qoljetimdi jalǵa beriletin turǵyn úıdiń jetispeýshiligi máselesi ótkir bolyp otyr. Búgingi tańda jataqhanalardaǵy oryn tapshylyǵy 32 myńnan asady, al turǵyn úı kezeginde resmı túrde 17,5 myń jas otbasy tur.