Qylmystyq-atqarý júıesi komıtetiniń Almaty qalasy boıynsha qylmystyq-atqarý júıesi departamenti men “Social project management ortalyǵy” qoǵamdyq qory arasynda yntymaqtastyq týraly memorandým jasaldy, dep habarlaıdy Almaty-akshamy.kz.
Atalǵan kelisimniń maqsaty – túzeý mekemelerinde jáne odan bosatylǵannan keıin de qylmystyq jazasyn ótep júrgen sottalǵandardy áleýmettik beıimdeý jónindegi memlekettik baǵdarlamalardyń iske asyrylýyn qamtamasyz etý jáne osy salada tıimdi yntymaqtastyq ornatý.
Memorandým aıasynda “Social project management ortalyǵy” qoǵamdyq qorynyń ókilderi shilde aıynda Almaty qalasy boıynsha QAJ departamentiniń №11, №72 jáne № 13 mekemelerinde bolyp, sottalǵandarmen 6 kezdesý ótkizdi. Kezdesý barysynda adamnyń ózin-ózi baǵalaý qasıetin arttyrý, sýısıdtiń aldyn alý, sonymen qatar erkindikke shyǵýǵa psıhologıalyq turǵydan daıarlaý sıaqty túrli taqyryptarda trenıńter uıymdastyryldy.
Trenıń barysynda psıhologtar sottalǵandardy tolǵandyratyn suraqtarǵa jaýap berdi. Mysaly, jańa jaǵdaıǵa beıimdelý, otbasy múshelerimen jańa qarym-qatynas ornatý týraly ózara áńgimeler ótkizilip, sottalǵandarǵa áleýmettik-psıhologıalyq kómek kórsetildi.