Almaty qalasy boıynsha QAJ departamentiniń №11 mekemesindegi jazasyn óteýshi jasóspirimder men Almaty qalasyndaǵy kolej stýdentteri arasynda shaǵyn fýtboldan joldastyq kezdesý uıymdastyryldy.
Jarysqa Almaty tehnologıa jáne florıstıka kolejiniń "AKTIF" komandasy, Almaty sán jáne dızaın kolejiniń "Akmıs" komandasy, Logıstıka jáne kólik kolejiniń "ALT" komandasy, sondaı-aq sottalǵan balalardan quralǵan "Jastar" komandasy qatysty, dep habarlaıdy aqshamnews.kz Polisia.kz-ke silteme jasap.
Shaǵyn fýtbol jarysynda "ALT" komandasy birinshi oryndy ıelense, ekinshi orynǵa jazaly jasóspirimderden quralǵan "Jastar" komandasy laıyqty boldy. Jarys aıaqtalǵan soń mekeme bastyǵy A. Súleımenov barlyq komandalarǵa sottalǵan balalardyń qoǵamda óz oryndaryn tabýlaryna jigerlendiretin oıyn órnegin kórsetkenderi úshin alǵys hattar tabystap, jarystyń tárbıelik máni týraly sóz qozǵady. Ol bul jarystyń basty maqsaty fýtbol álemdegi eń tanymal toptyq oıyn retinde balalardy uıymshyldyqqa úırete otyryp, salaýatty ómir saltyn nasıhattaý ekenin atap ótti.