Almaty qalalyq sotynyń 2022 jylǵy 18 naýryzdaǵy qaýlysymen Almaty qalasy ákimdiginiń talap aryzyn qanaǵattandyrý jáne "Shuǵyla" shaǵynaýdany, Baıteli batyr kóshesi, 24 mekenjaıy boıynsha zańsyz salynyp jatqan 12 qabatty kóp páterli úıdi buzý týraly sheshim qabyldandy, dep habarlaıdy Almaty-akshamy.kz
«ART-TEHNOSS» JSHS-men sot isi ótken jyldyń maýsym aıynan beri jalǵasyp keledi. Buǵan deıin qala qurylysyn baqylaý basqarmasy azamattardyń ótinishteri negizinde tekserý júrgizgen bolatyn. Sáýlet, qala qurylysy jáne qurylys qyzmeti salasynda birqatar buzýshylyqtar anyqtaldy, ákimshilik hattamalar jasaldy.
Odan keıin Almaty qalasynyń mamandandyrylǵan aýdanaralyq ekonomıkalyq sotyna «ART-TEHNOSS» JSHS-ne zańsyz salynyp jatqan obektini buzý týraly talap aryz berildi.
Sottyń 2021 jylǵy 9 jeltoqsandaǵy sheshimimen talap aryzdy qanaǵattandyrýdan bas tartyldy. Osydan keıin Almaty qalalyq sotyna apelásıalyq shaǵym berildi, 2022 jylǵy 18 naýryzda talap qanaǵattandyryldy.