Almatynyń ortalyǵyndaǵy "Chachapýrı" meıramhanasynyń jazǵy terasasy zańsyz turǵyzylǵan.
Qala turǵyndarynyń ótinishi negizinde Almaty qalasynyń ákimi Erbolat Dosaevtyń tapsyrmasy boıynsha qala qurylysyn baqylaý basqarmasy Abylaı han dańǵyly, 107 mekenjaıyndaǵy turǵyn úıge qosalqy salynǵan nysandy jáne jazǵy alańǵa tekserý júrgizdi, dep habarlaıdy Almaty-akshamy.kz.
Tekserý nátıjeleri boıynsha jalǵa alýshy "Matador" JSHS “Qazaqstan Respýblıkasynyń Ákimshilik quqyqbuzýshylyq týraly" Kodeksiniń 322-baby 1, 319, 323-bóligi boıynsha jaýapkershilikke tartyldy, basqarma menshik ıesi men jalǵa alýshyǵa qatysty ákimshilik quqyqbuzýshylyq jónindegi aýdanaralyq sotqa jáne memlekettik qor aýmaǵynda ornalasqan zańsyz salynǵan jazǵy alańdy buzý týraly aýdanaralyq ekonomıkalyq sotqa talap aryzdar berdi.
Basqarmanyń talap-aryzdary qanaǵattandyryldy, alaıda Almaty qalalyq sotyna apelásıalyq shaǵym tústi. Sot prosesteri 2023 jyldyń 25 sáýirinde aıaqtaldy – apelásıalyq sottyń qaýlysymen súrý týraly sheshim ózgerissiz qaldy. Súrý aǵymdaǵy jyldyń 12 mamyrynda sot oryndaýshylarynyń qatysýymen bastaldy.