Tóle Bı kóshesiniń soltústiginde, Momyshuly kóshesiniń batysynda saýda pavılondary bar kafe sot sheshimimen buzylady, dep habarlaıdy almaty-akshamy.kz Almaty qala qurylysyn baqylaý basqarmasyna silteme jasap.
Qala qurylysyn baqylaý basqarmasynyń málimetinshe, menshik ıesi jaıaý júrginshilerge arnalǵan trotýardy basyp alyp, memlekettik qordyń jerinde jazǵy kafe men dúńgirshekterdi zańsyz salǵan.
Buryn ýchaske jalǵa alý quqyǵymen menshik ıesine tıesili bolǵan.
Uzaqqa sozylǵan sot tekserýlerinen soń mamandandyrylǵan aýdanaralyq ekonomıkalyq sot óz betinshe salynǵan qurylystardy súrý jáne ýchaskeni ortaq paıdalanýǵa qaıtarý týraly sheshim shyǵardy. Apelásıalyq sot birinshi satydaǵy sottyń sheshimin ózgerissiz qaldyrdy.
Búgin nysandardy súrý jáne jaıaý júrginshiler ınfraqurylymyn zańsyz nysandardan aryltý bastaldy.
