Almaty qalasynyń Medeý aýdanyna qarasty Alataý shaǵyn aýdanynda jalpy aýdany 0,8 gektar bolatyn jańa skver salyndy, dep habarlaıdy aqshamnews.kz
Buryn Ibragımov kóshesinde qaraýsyz qalǵan ýchaskede endi jańa qoǵamdyq keńistik quryldy. Joba aıasynda keshendi jumystar atqaryldy: jańa oıyn jáne sport alańdary, skeıt alańy jasaldy. Demalys aımaǵynda durys demalý úshin besedkalar men oryndyqtar ornatyldy.
Jalpy aýdany 0,6 gektar aýmaqty kógaldandyrýǵa erekshe nazar aýdaryldy: ártúrli aǵashtar men gúlder otyrǵyzyldy. Jasyl kórinisti saqtaý jáne ósimdikterge kútim jasaý úshin avtomatty sýarý júıesi qarastyryldy.
Skver aýmaǵynda qaýipsizdikti qamtamasyz etý maqsatynda sýmen jabdyqtaý jelileri men syrtqy jaryqtandyrý júrgizildi, sondaı-aq ınfraqurylym nysandaryna qyzmet kórsetýge arnalǵan tehnıkalyq úı-jaı qarastyrylǵan.
Aıta keterligi, Alataý shaǵyn aýdany Almaty qalasynan 25 km qashyqtyqta ornalasqan. Aýdan 1957 jyly qurylǵan. Buryn Alataý eldi mekeni Almaty oblysynyń quramyna kirip, keıin shamamen 30 jyl buryn Almatynyń Medeý aýdanyna qosylyp, «shaǵyn aýdan» mártebesin alǵan.
Búginde turǵyn alaby ósip, damyp keledi. Bıyl turǵyndar úshin jalpy aýdany 7,3 myń sharshy metr, qýaty aýysymyna 149 adamdy qabyldaı alatyn deneshynyqtyrý-saýyqtyrý kesheni paıdalanýǵa berildi.
Almaty ákimi Erbolat Dosaevtyń tapsyrmasymen 2025 jyly sýmen jabdyqtaý jáne sý burý jelileriniń qurylysy bastalady. Sonymen qatar, kelesi jyly «Alataý» memlekettik aýrýhanasynyń ǵımaratyn qaıta jańartý josparlanǵan. Sondaı-aq, Mádenıet úıin qaıta qurý boıynsha 2 jylǵa arnalǵan joba iske qosylady. Joba aıasynda jergilikti turǵyndar úshin komúnıtı ortalyǵyn ornalastyrý qarastyrylǵan.