29 jastaǵy almatylyq úıin esirtki zerthanasyna aınaldyrǵan, – dep habarlaıdy Polisia.kz.
Másele Medeý aýdanyndaǵy baý-baqsha seriktestikteriniń biriniń turǵyny jaıynda bolyp otyr. Ol sıntetıkalyq esirtkini zańsyz saqtap, zerthanalyq jolmen óndirdi jáne taratty degen kúdikpen ustaldy.
– Onyń úıinen ishinde aqshyl tústi untaq zaty bar selofan paketteri, erekshe ıisi bar, qumyraǵa ósirilgen jasyl ósimdiktiń butalary, suıyqtyqtary bar ydystar, untaqty zattyń qabattarynyń temperatýrasyn ólsheıtin pırometr, arnaıy kombınezon tabyldy. Sondaı-aq, úı aýmaǵynan aǵash konstrýksıa – sıntetıkalyq esirtki jasaýǵa arnalǵan taqtaı, shıkizatty aralastyrýǵa arnalǵan temir aralastyrǵyshtary bar elektrli burǵylar jáne t.b. tabyldy jáne tárkilendi. A.esimdi azamattyń aıtýynsha, onyń bul kásipke kelgenine kóp bolǵan joq. Er adamnyń sózinshe, ınternet qosymsha arqyly oǵan mefedron psıhotroptyq zatyn jasaýdyń ıngredıentteri men nusqaýlary bar synama alǵyshtan bastaý usynylǵan, oǵan ony jasaǵany úshin jomart syıaqy ýáde etilgen. Qaskóı kelisken soń “jumys berýshiler” oǵan qajetti shıkizatty alý úshin koordınattardy jibergen, – dedi Almaty qalalyq polısıa departamenti bastyǵynyń orynbasary Dıdar Ahanov.
Tárkilengen zattarǵa sot-hımıalyq saraptama taǵaıyndaldy. Kúdikti tergeýde.