Zamanaýı ınovasıalyq jáne zıatkerlik jetistikter tanystyrylady
Qazaqstan Respýblıkasynyń Memlekettik ortalyq mýzeıi jáne Japonıanyń Qazaqstan Respýblıkasyndaǵy Elshiligi Qazaqstan-japon adam resýrstardy damytý ortalyǵymen birlesip «Japonıa mádenıeti kúni» festıvalin ótkizedi, dep habarlaıdy Almaty-akshamy.kz.
"Japonıa mádenıeti kúni" festıvaliniń maqsaty – Qazaqstan men Japonıa arasyndaǵy mádenı yntymaqtastyqty nyǵaıtý, ekijaqty baılanystardy damytý jáne ózara túsinistikti tereńdetý, sondaı-aq Almaty qalasynyń turǵyndary men qonaqtaryn Kúnshyǵys eliniń salt-dástúrleri men ádet-ǵuryptary, zamanaýı ınovasıalyq jáne zıatkerlik jetistikterimen tanystyrý.
Atalǵan is-sharada Qazaqstanda turatyn japon azamattary Japonıanyń dástúrli óneri men zamanaýı tehnıkalaryn kórmeler men master-klastar arqyly Qazaqstan halqyna tanystyrady. 2019 jyly ótkizilgen bul festıvál 5000-ǵa jýyq kórermen jınap, Qazaqstandaǵy eń aýqymdy Japonıanyń mádenı sharasy retinde jetistikke jetti. Atalǵan festıvál Qazaqstan halqyna japon mádenıetin óz kózimen kórýge jáne Japonıa týraly bilimin odan ári tereńdetýge múmkindik beretinine senimdimiz.
«Japonıa mádenıeti kúni» festıvalin Japonıanyń Qazaqstan Respýblıkasyndaǵy Tótenshi jáne Ókiletti Elshisi Djýn Iamada myrza ashady. Memlekettik ortalyq mýzeıdiń dırektory Rashıda Erimqyzy Harıpova hanym jáne «Narhoz» Ýnıversıtetiniń Prezıdenti Mıras Muhtaruly Daýlenov myrza qatysady.
Festıvál 24 qyrkúıek saǵat 12.00-den 16.00-ge deıingi aralyqta ótedi.