Bul kınozerthana 19-23 qyrkúıek aralyǵynda yntymaqtastyq pen birlesken óndiriske ashyq jas rejıserler men prodúserlerge arnalǵan
«Parazıt» fılminiń rejıserleri Almatydaǵy qazaqstandyq rejıserler men prodúserlerdi oqytady, dep habarlaıdy Almaty-akshamy.kz.
Erteń Cinema Press klýbynda Koreıa kıno óneri akademıasynyń (KAFA) ókilderimen baspasóz máslıhaty ótedi. Koreıadaǵy osy jetekshi kıno mektebiniń túlekteri arasynda Oskar syılyǵyn alǵan «Parazıt» fılminiń rejıseri Bong Djýn Ho men tanymal «Kálmarlar oıyny» serıalynyń operatory Lı Hón Deok bar.
Koreıa kıno óneri akademıasy Almatyǵa KAFA Kino Lab formatyndaǵy ıntensıvti bilim berýdi ákeldi. Bul kınozerthana 19-23 qyrkúıek aralyǵynda yntymaqtastyq pen birlesken óndiriske ashyq jas rejıserler men prodúserlerge arnalǵan.
Qazaqstan pandemıadan keıin KAFA Kino-lab úshin birinshi el boldy. Buǵan deıin Koreı kınoakademıasynyń AQSH, Japonıa, Fransıa jáne Qytaıdaǵy kınomekteptermen osyndaı birlesken jobalary bolǵan. Bizdiń elimizde AlmaU medıa jáne kıno mektebi kınozerthana ótkizýde KAFA seriktesi boldy.
«Almatyda KAFA Kino Lab birlesip uıymdastyrý – biz úshin strategıalyq mańyzdy kezeń. Qazaqstandyq stýdentterdi halyqaralyq damý, álemdik kınoındýstrıa kóshbasshylarymen seriktestik, granttyq baǵdarlamalar múmkindikteri jáne ózara árekettesýdiń basqa túrleri arqyly oqytý olardyń bolashaq daǵdylaryn meńgerýine jaǵdaı jasaıdy», - dep atap ótti AlmaU medıa jáne kıno mektebi.
Almatydaǵy KAFA Kino Lab Qazaqstan Respýblıkasy men Ońtústik Koreıa arasyndaǵy dıplomatıalyq qarym-qatynastyń 30 jyldyǵyna arnalǵan. Joba qazaq-koreı fılmderi men serıaldaryn birlesip shyǵarýǵa bastamashy bola alatynymen erekshelenedi.
Bes kún boıy KAFA profesorlary AlmaU medıa jáne kıno mektebiniń áriptesterimen birge arnaıy baıqaý nátıjesinde iriktelip alynǵan 12 adamdy – altaýy Qazaqstannan jáne altaýy Ońtústik Koreıadan oqytylady. Máselen, qatysýshylardyń arasynda ótken jyly Pýsan qalasynda ótken 26-shy halyqaralyq kınofestıvalge «Ot» fılmimen shaqyrylǵan rejıser Aıjan Qasymbek te boldy.
KAFA Kino Lab nátıjeleri boıynsha qatysýshylar óz jobalaryn usynady. Zerthananyń negizgi maqsaty – álemdik kıno naryǵyna nazar aýdara otyryp, birlesken óndiriske qatysýshylardy pıchıngke úıretý.
Onyń ókilderimen ótetin baspasóz máslıhaty aıasynda jýrnalıser Ońtústik Koreıa men Qazaqstan kınematografısteriniń yntymaqtastyǵy perspektıvalary, koreı fılmderiniń tanymaldylyǵy fenomeni jáne jalpy kınoındýstrıadaǵy úrdister týraly bile alady.