Kúdiktiler eki aı merzimge qamaýǵa alyndy.
Qarjy monıtorıńi agenttiginiń Almaty qalasy boıynsha departamenti alaıaqtyq jasady degen kúdikpen úsh sheteldik azamatty ustady, dep habarlaıdy aqshamnews.kz agenttiktiń baspasóz qyzmetine silteme jasap.
Olar jalǵa alǵan páterde tintý júrgizý barysynda alty SIM-boks anyqtalyp, tárkilendi.
Eske salaıyq, bul qurylǵylar alaıaqtyq sqemalarda keń kólemde qońyraýlar jasaý, habarlamalar jiberý jáne abonenttik nómirlerdi ózgertý úshin qoldanylady.
Sondaı-aq, ártúrli mobıldi operatorlardyń 5 myńnan astam SIM-kartasy tárkilendi.
Atalǵan tulǵalarǵa qatysty QR Qylmystyk kodeksiniń 213-baby 2-bóligi boıynsha – "uıaly baılanys abonenttik qurylǵysynyń ıdentıfıkasıalyq kodyn zańsyz qoldaný, abonentti sáıkestendirý qurylǵysyn zańsyz ózgertý jáne ıdentıfıkasıalyq kodty ózgertýge arnalǵan baǵdarlamalardy jasaý, paıdalaný, taratý" qylmystyq is tirkeldi.
Kúdiktiler eki aı merzimge qamaýǵa alyndy. Olardyń ınternet-alaıaqtyqqa qatystylyǵy tekserilýde.
Tergeý múddesi úshin ózge aqparat jarıalaýǵa jatpaıdy.