Ózgeris zańǵa 2021 jyly engizilgen bolatyn
Qazaqstanǵa saıahattap kelgenderden alynǵan týrısik jarna ınfraqurylymdy jaqsartyp, eldi jarnamalaýǵa jumsalady. Mádenıet jáne sport vıse-mınıstri Erjan Erkinbaev málimdegendeı, bıyl sheteldikterden 2 jarym mıllıard teńge qosymsha qarajat jınalýy múmkin, dep habarlaıdy Almaty-akshamy.kz Almaty.tv-ge silteme jasap.
Negizi mundaı ózgeris zańǵa 2021 jyly engizilgen bolatyn. Biraq álemdi jaılaǵan pandemıa saldarynan ony is júzinde júzege asyrý tek bıyl qolǵa alyndy
1 qańtardan bastap Qazaqstanǵa saıahattap kelgen ár sheteldik azamattan týrısik jarna alynady. Iaǵnı, olar qonaq úıde turý qunynan bólek, qosymsha tólem jasaýy tıis.
«Bastamanyń ózi, túsinip qarasańyz, elge qosymsha tabys ákelýge septigin tıgizedi. Týrıserge salyq salý - álemniń damyǵan elderinde burynnan bar úrdis. Onyń ústine, túsken qarajat ınfraqurylymdy, otandyq týrızmdi damytýǵa jumsalmaq», – dedi qonaq úıdiń bas menedjeri Arsenıı Tagaev.
Aıta ketsek, Almatydaǵy týrısik jarna mólsheri qonaq úıge tólenetin qunnyń 5 paıyzy kóleminde bekitildi. Sarapshylar boljaýynsha, bıyl shetelden keletinder sany 400 myń adamnan asady. Al olardan týrısik jarna jınalsa, túsetin qarajat mólsheri - 2 mlrd 342 mln teńgeni quramaq.
«Saıahattap júrgen týrıser munymen tanys. Mysaly, biz de ózge elge barsaq, esh qarsylyqsyz, jarna tóleımiz. Qosa ketetini, mundaı soma áýe jolyna, qonaq úıge tólenetin aqshamen salystyrsaq, qymbat deýge de kelmeıdi», – dedi «Qazaqstan qonaq úıler jáne meıramhanalar» qaýymdastyǵynyń prezıdenti Rashıda Sháıkenova.
Týrısik jarna kólemin sheteldikterdiń kelýine qaraı ár óńir ózi anyqtaıdy. Tek mólsheri 1%-dan kem bolmaýy kerek. Aıta ketetini, bul ereje jataqhana ıelerine nemese jalǵa berýshilerge qoldanylmaıdy.