Alaıaqtyń bul áreketinen kelgen jalpy shyǵyn - 2,5 mln teńge
Almatyda sheteldik kólikterdi tirkep beremin dep jurtty aldaǵan alaıaq ustaldy, dep habarlaıdy Almaty-akshamy.kz QazAqparatqa silteme jasap.
Almaty qalalyq polısıa departamentiniń málimetinshe, I.esimdi er adam «sarafandyq radıo» ádisi arqyly sheteldik kólikti tirkeýden ótkizgisi keletinderdi taýyp, kedendik rásimdeýsiz jasaýǵa ýáde bergen. Er adam óz qyzmetin 700 myń teńgege baǵalaǵan.
«Kúdikti qamaýǵa alyndy. Ol aldaýdyń tórt faktisin moıyndady. Onyń áreketinen keltirilgen jalpy shyǵyn shamamen 2,5 mln teńge. Atalǵan fakti boıynsha sotqa deıingi tergeý amaldary júrgizilýde», – dedi Túrksib aýdandyq polısıa basqarmasy janyndaǵy polısıa bóliminiń bastyǵy Meıirhan Jańabaev. Polısıa ókiliniń aıtýynsha, kúdikti osyǵan uqsas bap boıynsha sotty bolǵan. Qazir ýaqytta kúdikti ýaqytsha ustaý ızolátorynda.