Almatyda kópjyldyq jáne birjyldyq sándik ósimdikterdi otyrǵyzý jumystary bastaldy. Gúlmen ásemdeletin aýmaqtyń jalpy kólemi 159 myń sharshy metrdi quraıdy, onyń ishinde 26 myń sharshy metr jer kógaldandyrylady dep habarlaıdy almaty-akshamy.kz
Qalada raýshan, qyzylkúreń, kolambýs, abba, lavanda, sálben, qaztamaq, gortenzıa jáne ózge de sándik ósimdikter otyrǵyzylady. Jol jıekterine birjyldyq gúlder otyrǵyzylady, maýsym ishinde gúldep bolǵannan keıin kelesi maýsymda ósip shyǵatyn gúl badandary qoldanylady.
Mamandar badanaly ósimdiktermen qatar, kópjyldyq jáne birjyldyq gúlderdi de egiledi. Búginde kópjyldyq ósimdikterdiń úlesin arttyrý boıynsha jumystar kezeńmen júrgizilýde, olardyń qazirgi úlesi 17%, 2023 jyly 60%-ǵa jetkizý josparlanǵan.
Gúlder klımattyq jaǵdaılarǵa, kólemi men qalpyna, gúlzarlardyń dekaratıvtigine qaraı tańdalady. Bıyl kópjyldyq gúlderdi 15 mamyrǵa deıin, birjyldyq ósimdikterdi 10 maýsymǵa deıin otyrǵyzady. Al badanaly ósimdikter qazan jáne qarasha aılarynda egiledi.
Bıyl sýarý jumystaryn qala boıynsha kúsheıtý josparlanǵan. Memlekettik-jeke seriktestik aıasynda qalany sándi kógaldandyrý jumystaryna 400 maman men 50 birlik tehnıka jumyldyryldy.
