Jol jabyny jaǵdaıyn zertteý qorytyndylaryna sáıkes bıylǵy josparǵa Shalápın kóshesiniń Beregovoı kóshesinen Áshimov kóshesine deıingi uzyndyǵy 4 shaqyrym bóligin qosý týraly sheshim qabyldanǵan bolatyn. Áshimov kóshesinen Momyshuly kóshesine deıingi jóndeý jumystary aıaqtaldy jáne kólik qozǵalysy tolyǵymen ashyldy.
9 qyrkúıek saǵ.23:00-den 10 qyrkúıek 06:00-ge deıin jol jabynyna ortasha jóndeý jumystarynyń júrgizilýine baılanysty Shalápın kóshesiniń boıymen Momyshuly kóshesinen Iassaýı kóshesine deıingi bóliginde kólik qozǵalysy tolyǵymen jabylady.
Jabyq ýchaskeni Áshimov kóshesi, Abaı dańǵyly, Iassaýı kóshesi, Momyshuly kóshesi jáne irgeles kósheler arqyly aınalyp ótýge bolady.
Jol-kólik oqıǵalaryn boldyrmaý jáne jol qozǵalysyn uıymdastyrý úshin joǵaryda atalǵan kóshe ýchaskesinde patrúldik polısıa polkiniń 2 ekıpajy jumyldyrylatyn bolady.
Jol jóndeý jumystary jaıly sońǵy jańalyqtar qala ákimdigi men qalalyq mobıldilik basqarmasynyń resmı paraqshalarynda, Almaty jol telegram arnasynda (https://t.me/AlmatyJoly), sonymen qatar, 2GIS jáne Iandeks karta qosymshalarynda qoljetimdi.
Jol jóndeý jumystary 2023 jylǵa josparlanǵan jumystar aıasynda júrgizilip otyr.
Ýaqytsha qolaısyzdyqtar úshin keshirim ótinemiz. Bul qala joldary uzaǵyraq paıdalanýǵa qajetti shara.
Marshrýtty aldyn ala josparlap alyńyzdar.