Erteń Almatyda shaıbaly hokeıden tarıhta alǵash ret uıymdastyrylyp jatqan Azıa chempıonatynyń shymyldyǵy túriledi.
Halyqaralyq hokeı federasıasynyń (IIHF) uıymdastyrýymen ótetin sary qurlyq dodasyna Qazaqstan, Japonıa, Ońtústik Koreıa jáne Qytaı quramalary qatysady, dep habarlaıdy aqshamnews.kz.
Týrızm jáne sport mınıstrliginiń habarlaýynsha, chempıonat 6-9 qarasha kúnderi Halyk Arena muz saraıynda ótedi.
Bul týrnır qurlyqtyń alǵashqy chempıonaty retinde elimiz úshin tarıhı mańyzǵa ıe. Sonymen qatar shaıbaly hokeıden Qazaqstan erler quramasy alǵash ret Almatyda óner kórsetpek.
2016 jyly paıdalanýǵa berilgen Halyk Arena keshenindegi eń keıingi halyqaralyq shaıbaly hokeı jarysy 2017 jylǵy qysqy Ýnıversıada aıasynda ótken edi. Sol jyly elimizdiń stýdentter quramasy týrnırdiń kúmis júldegeri atandy.
Sonymen qatar Almaty 2003 jyly birinshidıvızıondaǵy jastar arasyndaǵy álemchempıonatynyń A tobynyń oıyndarynqabyldaǵan. Sheshýshi machta bizdiń jastarJaponıa quramasyna ese jibergen edi.
Aıta keteıik, Almatydaǵy Azıa chempıonaty 2025 jyldyń 7-14 aqpan kúnderi QytaıdyńHarbın qalasynda ótetin Azıa oıyndarynadaıyndyq jarysy bolmaq.
Azıa chempıonatyna qatysatyn Qazaqstanerler quramasynyń quramy:
▫️Qaqpashylar: Djelal-ad-dın Ámirbekov(«Magnıtka», Magnıtogorsk), Jáken Ibragımov («Saryarqa», Qaraǵandy), Maksım Pavlenko («Rázan-VDV», Rázan).
▪️Qorǵaýshylar: Stepan Aleksandrov, Vladımır Grebenshıkov («Qazsınk-Torpedo», Óskemen), Dmıtrıı Breýs («Torpedo», Nıjnıı Novgorod, QHL), Haqnazar Keńesbaı, Kırıll Nıkıtın («Nomad», Astana), Edýard Mıhaılov («Arlan», Kókshetaý), Egor Namestnıkov («Saryarqa», Qaraǵandy), Ivan Stepanenko («Hýmo», Tashkent).
▫️Shabýylshylar: Aleksandr Borısevıch, Rýslan Demın, Evgenıı Korolınskıı («Saryarqa», Qaraǵandy), Andreı Býıalskıı (erkin agent), Vladımır Volkov, Dmıtrıı Presnov, Denıs Chaporov («Arlan», Kókshetaý), Dmıtrıı Grens, Artem Lıhotnıkov («Hýmo», Tashkent), Alekseı Zýbov, Zahar Parhomenko, Ian Tútúnkov(«Qazsınk-Torpedo», Óskemen), Saıan Danıar(«Nomad», Astana), Evgenıı Rymarev («Iýnıson-Máskeý»).
Azıa chempıonatynyń jarys kestesi
6 qarasha
16:00 – Japonıa – Qytaı
19:30 – Qazaqstan – Ońtústik Koreıa
8 qarasha
16:00 – Japonıa – Ońtústik Koreıa
19:30 – Qazaqstan – Qytaı
9 qarasha
16:00 – Qytaı – Ońtústik Koreıa
19:30 – Qazaqstan – Japonıa.