Shaǵyn fýtboldan qalalyq týrnır Muhtar Áýezovtiń 125 jyldyq mereıtoıyna oraı ótkizildi.
Maqsaty - jastardyń el tarıhy men mádenıetine degen qyzyǵýshylyǵyn oıatý, sondaı-aq salaýatty ómir saltyn nasıhattaý, dep habarlaıdy Almaty-akshamy.kz.
Osy sporttyq is-sharanyń arqasynda biz halyq jazýshysy Muhtar Áýezovtiń uly murasyna qurmet kórsetemiz. Muhtar Áýezov sportpen belsendi aınalysyp, Qazaqstannyń birinshi fýtbol quramasynda óner kórsetkenin aıta ketken jón. Bul - jas urpaqqa úlgi.
Týrnırge Almaty qalasynyń joǵary oqý ornynan 16 komanda qatysty. Oıynnyń qorytyndysy boıynsha, 1-oryndy Abaı atyndaǵy Qazaq ulttyq pedagogıkalyq ýnıversıteti, 2-oryndy Týran ýnıversıteti, 3-oryndy Qazaq sport jáne týrızm akademıasy ıelendi. Sondaı-aq, «Úzdik qorǵaýshy» atalymymen Tımýr Begalıev (Týran ýnıversıteti), «Úzdik shabýylshy» - Aıdos Maqaı (Abaı atyndaǵy QazUPÝ), «Úzdik qaqpashy» - Begimhan Narymbet (Qazaq sport jáne týrızm akademıasy) marapattaldy.
