14-16 aqpan aralyǵynda Almatyda semserlesýden jasóspirimder arasynda álem kýbogi ótedi, dep habarlaıdy Aqshamnews.kz
Jarysqa Azıa qurlyǵynyń jáne álemniń 14 elinen: Qytaı, Úndistan, Ózbekstan, Ońtústik Koreıa, Brazılıa, Nıgerıa, Gonkong, Túrkıa, Izraıl, Bolgarıa, Belarýs jáne Qazaqstannan 100-den astam sportshy qatysady.
Álem Kýbogi Qazaqstan Ulttyq semserlesý federasıasynyń álemdik arenadaǵy bedelin nyǵaıtýdyń taǵy bir kezeńi bolmaq. 2022 jyly Almatyda alǵash ret jasóspirimder arasyndaǵy qylyshtan álem kýbogi ótti, ol Halyqaralyq semserlesý federasıasynyń (FIE) joǵary baǵasyna ıe boldy. 2023 jyly Qazaqstanda 300-den astam sportshynyń basyn qosqan 23 jasqa deıingi Azıa chempıonaty ótti. Bıyl Almaty taǵy da jasóspirimder arasyndaǵy álem kýbogin ótkizýge múmkindik aldy, biraq endi eki kategorıa boıynsha – uldar men qyzdar arasynda. Jarys jeke jáne komandalyq esepte ótedi, al qatysýshylar úshin týrnır aǵymdaǵy jylǵy Azıa jáne álem chempıonattaryna daıyndyqtyń sońǵy kezeńi bolady.
Jarystyń maqsaty men mindetteri:
• Qazaqstan Respýblıkasynda semserlesýdi tanymal etý;
• Azıa qurlyǵynda da, búkil álemde de qazaqstandyq semserlesýdiń bedelin nyǵaıtý;
• sportshylardyń sporttyq sheberligin arttyrý;
• jattyqtyrýshylar men tóreshilerdiń kásibı biliktiligin arttyrý.