Áleýmettik jelide 2 tamyzda Almatyda sel júrgeni týraly vıdeo jarıalandy. Beınede tabıǵı apattyń Almatyda bolǵanynyń "dáleli" retinde jazý men seldiń júrgen ýaqyty ǵana kórsetilgen. Alaıda bul - jalǵan aqparat, - dep habarlaıdy Aqshamnews.kz Factcheck.kz-ke silteme jasap.
Almaty qalasynyń tótenshe jaǵdaılar departamenti eshqandaı sel júrgeni týraly habarlamady, taraǵan vıdeo Qazaqstanda emes, Kabardın-Balqarıanyń (Reseı) Tyrnyaýyz qalasynda túsirilgen. Aımaqta sel júrgeni týraly 31 shildede tótenshe jaǵdaılar mınıstrliginiń oblystyq departamenti habarlaǵan.
"31 shildede Kabardın-Balqarıanyń Elbrýs aýdanynda, Tyrnyaýyz qalasynda Gerhojan-Sýý ózeniniń boıyna sel júrdi", - dep habarlady tótenshe jaǵdaılar mınıstrliginiń oblystyq departamenti. Seldiń sebebi taýdaǵy nóser jańbyr ekeni aıtylǵan.
Taraǵan vıdeo osy aqparat shyqqan soń reseılik telegram arnalar men áleýmettik jelidgeni paraqshalarda jarıalana bastady.
Taraǵan vıdeoda kórinetin ǵımarattardan, munyń Tyrnyaýyz qalasyndaǵy №3 jalpy orta bilim beretin mektep pen Tyrnyaýyz qalasynyń Q.Qulıev atyndaǵy mádenıet saraıy ekenin tabyldy. Kadrdyń aldyńǵy jaǵynda jasyl shatyrly ǵımarat - mektep, artqy kadrdaǵy kolonnamen salynǵan ǵımarat - mádenıet saraıy.
Eki ǵımarat ta Elbrýs dańǵylynyń boıynda ornalasqan, al vıdeodaǵy sel sol Elbrýs dańǵyly men Zavodskaıa kóshesiniń qıylysynda bolǵan.