Kýrıl araldarynyń mańynda joıqyn jer silkinisi boldy, - dep habarlaıdy Aqshamnews.kz.
Jerasty dúmpýleri 3 tamyzda 05:37-de (Astana ýaqytymen 11:37-de) tirkeldi. Eýropa-Jerorta teńizi seısmologıalyq ortalyǵynyń málimetinshe, zilzalanyń magnıtýdasy 6,8-ge jetken.
Seısmıkalyq oqıǵa Reseıdiń Kamchatka ólkesindegi Petropavl-Kamchatskıı qalasynan shamamen 270 shaqyrym ońtústikte jáne Sahalın oblysyndaǵy Soltústik-Kýrılsk eldi mekeninen 115 shaqyrym shyǵysta bolǵan.
Aldyn ala málimet boıynsha, qıraý nemese zardap shekkender týraly aqparat tirkelgen joq. Sýnamı qaýpi jarıalanbady.
Aıta keteıik, 30 shildede Kamchatkada 8,8 magnıtýdaly jer silkinisi bolǵan. AQSH Geologıalyq qyzmetiniń málimetine súıensek, bul dúmpý aspaptyq baqylaýlar júrgizile bastaǵan ýaqyttan beri tirkelgen eń qýatty alty zilzalanyń qataryna kiredi. Ol 2010 jylǵy Chılıdegi jáne 1906 jyly Ekvador men Kolýmbıa arasyndaǵy jer silkinisterimen qatar tur.