Almaty qalasynyń Áýezov aýdanyndaǵy «Saryarqa» bazarynda «Sapaly ónim» jáne jańa zań jobalarynyń normalary boıynsha túsindirme jumystaryn júrgizý boıynsha jyljymaly mobıldi zań qyzmetiniń jumysy uıymdastyryldy, dep habarlaıdy Almaty-akshamy.kz.
Maqsaty – turǵyndarǵa tutynýshylyq quqyqtaryn qorǵaý máseleleri boıynsha zańgerlik keńester berý.
Jyljymaly mobıldi zań qyzmetiniń músheleri túsindirme barysynda «Sapaly ónim» jobasynyń basty mindeti ishki naryqta azyq-túlik ónimderiniń qaýipsizdigin qamtamasyz etýge baǵyttalǵanyn jáne jańa zań jobasy qoǵamnyń ómir súrý sapasyn arttyrýǵa, tutynýshylardyń quqyqtaryn qorǵaý máselelerinde úkimettik emes ınstıtýttardyń rólin kúsheıtýge baǵyttalǵanyn halyq nazaryna jetkizdi.
Óz kezeginde bazar tutynýshylary da óz suraqtaryn qoıyp, pikirlerimen bólisti.
«Bul joba Almaty qalasy Qoǵamdyq damý basqarmasynyń memlekettik áleýmettik tapsyrysy negizinde jáne Almaty qalasy boıynsha Saýda jáne tutynýshylardyń quqyǵyn qorǵaý departamentiniń baǵyt berýimen júzege asyrylýda. Mobıldi zań qyzmeti aı saıyn qalanyń ár aýdanyndaǵy bazarlar men saýda ortalyqtarynda bolyp, halyqqa tutynýshylyq quqyqtaryn qorǵaý máseleleri boıynsha zańgerlik keńester beredi», - deıdi joba jetekshisi, Halyqaralyq «Janashyr» qoǵamdyq qorynyń prezıdenti Jańyl Ápetova.