Almatydaǵy tergeý ızolátorynyń sálemdemelerdi qabyldaý bóliminiń baqylaýshylary kúnine júzdegen sálemdemeni tekseredi.
Olardyń arasynda túrli aıla-tásilderdi qoldanyp, nebir tyıym salynǵan zattardy ótkizbekshi bolǵandar ustalyp, jazaǵa tartylyp ta jatady, dep habarlaıdy Almaty-akshamy.kz.
Poolisia.kz aqparatyna saı, qabyldaý bólmesinde tergeý tutqynyndaǵylar men sottalǵandarǵa berýge bolmaıtyn zattardyń tizimi men qasaqana ótkizý áreketterine qoldanylatyn jaza jaıly da anyq jazylyp, kórneki jerge ilingen. Soǵan qaramastan, tergeý tutqynyndaǵy jaqyndaryna tyıym salynǵan zattardy ótkizýge tyrysatyndar kóp. Mysaly, №72 mekemesinde sot úkimin kútip jatqan tanysyna shokolodtyń arasyna tyǵyp, esirtki ótkizbekshi bolǵan A. esimdi azamat ustaldy.
Kózdiń jaýyn alatyn jyltyr qaǵazdaǵy táttini ashyp teksergen baqylaýshy ısi ótkir untaqty anyqtady. Atalǵan fakt boıynsha Almaty qalasy PD Túrksib aýdandyq polısıa basqarmasynan jedel tergeý toby shaqyrylyp, arnaıy saraptama taǵaıyndaldy.