Almaty qalasyndaǵy №2 Balalar qalalyq klınıkalyq aýrýhanasynda travmatolog mamandar serebraldy sal aýrýynan aıaq-qoldarynda aqaý paıda bolǵan balalarǵa qalpyna keltirý maqsatynda kóp deńgeıli operasıalar jasady.
Bul kúrdeli otalar aýrýhana bazasynda alǵash ret osy jyldyń tamyz aıynda reseılik medısına ortalyqtarynyń mamandarymen birlesip júzege asyryldy. Operasıalar «Mıloserdıe» erikti qoǵamynyń shaqyrtýy men qarjylyq qoldaýynyń arqasynda ótti.
Qazaqstandyq hırýrgter sheteldik áriptesterimen birlesip jumys jasap, bilimin shyńdady. Nátıjesinde olar kishkentaı pasıentterdi emdeý men ońaltý deńgeıin arttyrýǵa múmkindik aldy. Bul — erekshe qoldaýdy qajet etetin balalardy sapaly medısınalyq kómekpen qamtamasyz etýge úlken úles qosady.
Aýrýhananyń eń jas pasıenti nebári 1,5 jasta. Bul búldirshinge «Oń jaq aıaǵynyń týabitti aqaýy. Oń jaq tize súıekteriniń gıpoplazıasy» degen dıagnoz qoıylǵan. Aıaqtaǵy eki súıektiń ornyna bir ǵana súıek bitkendikten, hırýrgıalyq ota jasamaı bul máseleni sheshý múmkin bolmady. Operasıany qazaqstandyq hırýrgter Erlan Sadyrbalın men Uljan Soltanbekova reseılik áriptesi Andreı Kolsovpen birlesip jasady. Ota sátti aıaqtalyp, búldirshinniń ómirine úmit syılady. Aıta ketý kerek, operasıa mindetti áleýmettik medısınalyq saqtandyrý (MÁMS) qarajaty esebinen júzege asyryldy.
Bul ota aýyr dıagnozy bar búldirshin men onyń otbasyna qalypty ómirge joldama syılady. Biraz ýaqyttan keıin ornatylǵan alǵashqy protez kishkentaı qyzdyń aıaǵyn nyq basyp, jańa ómirge qadam jasaýyna múmkindik berdi.
Travmatologıa bólimshesiniń meńgerýshisi Erlan Sadyrbalınniń aıtýynsha, serebraldy sal aýrýymen aýyratyn balalardy keshendi ádispen emdeý qajet. Ásirese mýltıdısıplınarlyq ádistiń nátıjesi mol: ortoped, nevrolog, reabılıtolog mamandardyń birlesip jumys jasaýy kóp nátıje beredi.
«Otadan keıingi medısınalyq ońaltý sharalary da balanyń tolyq aıyǵýynda mańyzdy ról atqarady. Sondyqtan dárigerler men naýqastyń ata-anasy qoıan-qoltyq jumys isteýi qajet», — dedi dáriger.
Kerek derek
Serebraldy sal aýrýy (SSA) — bul balalardyń ortalyq júıke júıesiniń zaqymdalýynan týyndaıtyn aýrý, qozǵalys jáne qımyl buzylystaryna ákeledi. Ol kóbine mı damýynyń erte kezeńinde, júktilik, bosaný kezinde nemese týǵannan keıingi kezeńde oryn alǵan faktorlar áserinen paıda bolady.
Sebepteri:
- Júktilik kezindegi ınfeksıalar, toksıkoz.
- Bosaný kezinde otteginiń jetispeýshiligi.
- Týǵannan keıingi ınfeksıalar nemese jaraqattar.
Belgileri:
- Qozǵalystyń buzylýy, bulshyqetterdiń qatty jıyrylýy.
- Tepe-teńdik pen koordınasıanyń buzylýy.
- Eriksiz, baqylaýsyz qımyldar.
Emi:
- Dári-dármekter, fızıoterapıa, eńbek terapıasy.
- Hırýrgıalyq em jáne mýltıdısıplınarlyq qoldaý.
SSA tolyq emdelmese de, keshendi emdeý men ońaltý arqyly balalardyń ómir sapasyn jaqsartýǵa bolady.