Almatylyqtar megapolıstiń barlyq segiz aýdanynda birkelki ornalasqan 602 saılaý ýchaskesinde daýys bere alady.
Bul týraly Óńirlik komýnıkasıalar qyzmetinde ótken brıfıńte Almaty qalalyq aýmaqtyq saılaý komısıasynyń tóraıymy Aıgúl Qalyqova málim etti, dep habarlaıdy Almaty-akshamy.kz
Túrksib aýdanyndaǵy № 440 (QR UQK Shekara qyzmetiniń Almaty oblysy boıynsha departamentiniń áskerı bóliminde ornalasqan) bir saılaý ýchaskesi daýys berýshilerdiń sol jerde bolmaýyna baılanysty jumysyn toqtatqany belgili boldy. Tıisti sheshimdi bólimshe komandıriniń ótinishi negizinde aýdandyq aýmaqtyq saılaý komısıasy qabyldady.
«Barlyq saılaý ýchaskelerinde daýys berý jáshikteri bar, qajetti sandaǵy daýys berý kabınalarymen, jıhazdarmen, uıymdastyrý tehnıkasymen, keńse taýarlarymen jabdyqtalǵan. Ýchaskelerde múmkindigi shekteýli jandarǵa arnalǵan oryndar jabdyqtalǵan. Kózi nashar kóretin saılaýshylarǵa aýdıomaterıaldar men trafaretter daıyndaldy», - dedi Aıgúl Qalyqova.
Daýys berýge arnalǵan ǵımarattar qajetti aqparattyq materıaldarmen jabdyqtalǵan. No3 saılaý okrýgi boıynsha Qazaqstan Respýblıkasy Parlamenti Májilisiniń depýtattaryna qatysty aqparattyq materıaldardyń bir bóligi búgin kúnniń sońyna deıin osy okrýgtegi saılaý ýchaskeleriniń stendterinde ornalastyrylady.
«Saılaý komısıalarynyń sheshimderimen 70 ýchaske anyqtaldy, olarda tizimge engizilgen saılaýshylardyń bári óz tańdaýlaryn jasap bolsa, daýys berý kez kelgen ýaqytta aıaqtalýy múmkin. Olar Konstıtýsıalyq zańnyń 38-babynyń 3-tarmaǵyna sáıkes medısınalyq mekemelerdegi, áskerı bólimderdegi saılaý ýchaskeleri. 7 saılaý ýchaskesinde daýys berý tańǵy saǵat 6.00-de (áskerı bólimsheler) bastalady», - dedi A.Qalyqova.
Brıfıńte ol sondaı-aq saılaýǵa daıyndyq barysynda saılaýshylarǵa daýys berý ýaqyty, orny, saılaý ýchaskeleriniń mekenjaılary kórsetilgen 1 mıllıon 202 myń shaqyrý qaǵazy jasalyp, taratyldy. Olarǵa almatylyqtar buqaralyq aqparat quraldary arqyly habardar etti.
Aıgúl Qalyqova jýrnalıserdiń saýaldaryna jaýap bere otyryp, daýys berýshilerdiń ótinishi boıynsha daýys berý quqyǵy kórsetilgen 797 esepten shyǵarý týraly kýálik berilgenin aıtty (esepten shyǵý kýáligin berý 18 naýryz kúni saǵat 18:00-de aıaqtalady).
Qazirgi ýaqytta ýchaskelik komısıalarǵa belgilengen mólsherdegi daýys berýge arnalǵan búletender jetkizilip, ishki ister organdarynyń qorǵaýynda.
Almaty qalasynyń aýdandary Qazaqstan Respýblıkasy Parlamenti Májilisi men máslıhattary depýtattaryn saılaýda daýys berýge daıyn.
ASK tóraǵasy kandıdatty nemese partıalyq tizimdi alyp tastaǵan jaǵdaıda búletenderge ózgerister engizý týraly aıtyp berdi.
Ortalyq saılaý komısıasynyń qaýlysymen bekitilgen kandıdat shyǵyp qalǵan, kandıdatty usyný týraly sheshimniń kúshi joıylǵan, kandıdattardy, partıalyq tizimderdi tirkeý týraly sheshimniń kúshi joıylǵan jaǵdaılarda saılaý búletenderine ózgerister engizý qaǵıdalaryna sáıkes Qazaqstan Respýblıkasynyń 2018 jylǵy 19 qyrkúıektegi №16/20 qaýlysymen tıisti okrýgtik saılaý komısıalarynyń, ýchaskelik saılaý komısıalarynyń sheshimderi negizinde 2023 jylǵy 17 naýryzda bul jumysqa kiristi.
Barlyǵy bir mandatty 3 saılaý okrýgi boıynsha Qazaqstan Respýblıkasy Parlamenti Májilisiniń depýtattyǵyna tirkelgen 105 kandıdattyń 23-i shyǵaryldy. Olardyń aty-jónderi búletenderden alynyp tastalady.
21-shi bir mandatty saılaý okrýgi boıynsha 171 kandıdattyń 27-si boıynsha tirkeý týraly sheshimniń kúshi joıyldy. Olardyń aty-jónderi de búletenderden alynyp tastalady.