Jumys toby jýrnalıser qaýymynyń usynys pikirlerin eskere kele, zań jobasyna biraz ózgerister engizgen.
Ol jaıynda búgin onlaın konferensıa barysynda Aqparat jáne qoǵamdyq damý mınıstrliginiń departament dırektory Jasulan Ómirǵalıev jan-jaqty túsinik berdi, dep habarlaıdy Almaty-akshamy.kz 24.kz-ke silteme jasap.
Jýrnalıserdiń memlekettik is-sharalarǵa esh kedergisiz ótýine qosymsha jeńildik retinde beriletin baspasóz kartasyna qatysty kóp syn aıtylǵan. Soǵan baılanysty jańa zań jobasynda bul kartany ýákiletti organ janyndaǵy komısıa beredi degen bap alynyp tastaldy. Sondaı-aq endi erekshe jaǵdaılar týraly norma, senzýra bolmaıdy. Buqaralyq aqparat quraldaryna bólinetin granttyń uzaq jáne qysqa merzimdi eki túri qaldyrylǵan jáne ony kim, qandaı maqsatqa alǵandyǵy portalda ashyq kórsetiledi.
«Mass-medıa týraly» zań jobasynyń jańa nusqasy tıisti organdardyń saraptamasynan ótkennen keıin, Parlament qaraýyna jiberiledi.