Barlyǵy daıyndyqtan ótken.
Almatydaǵy barlyq saılaý ýchaskeleri respýblıkalyq referendýmǵa daıyn. Bul týraly brıfıń barysynda Almaty qalalyq referendým komısıasynyń tóraǵasy Janna Asanova málim etti, dep habarlaıdy Almaty-akshamy.kz.
Spıkerdiń sózinshe, saılaý ýchaskelerindegi daıyndyq jumystary tolyq aıaqtaldy. Saılaý komısıasynyń músheleri taǵaıyndaldy. Referendým ótetin kúni olar kezekshilikte bolady.
«Buryn saılaý ýchaskelerinde komısıa quramynda jeti adam bolsa, qazir saılaý ýchaskelerinde tizimge engizilgen saılaýshylardyń sanyna qaraı 5-11 adam komısıa múshesi bola alady. Almaty saılaý ýchaskelerinde bul ortasha eseppen 7-9 adam. Komısıa músheleriniń barlyǵy daıyndyqtan ótip, tártipsizdik bola qalǵan jaǵdaıda ony qalaı retteý kerektigin biledi», - dedi Janna Asanova.
Sonymen qatar, brıfıń barysynda jýrnalıser: "Birinshi bolyp daýys bergen azamattarǵa yntalandyrý syılyqtary qarastyrylǵan ba?" - degen saýal qoıdy.
«Joq. Alaıda, demeýshiler tarapynan saılaýshylarǵa estelik syılyqtar tabystaý bastamasy bolsa, nege bolmasqa? Kásipkerler jármeńke, fotoaımaqtar, konsertter túrinde mádenı is-sharalar uıymdastyrýy múmkin. Óıtkeni, qazir jaz, demalys ekenin eskerýimiz kerek. Qala kóleminde basqa da túrli sharalar turaqty túrde ótkizilip turady. Biraq munyń referendýmǵa esh qatysy joq. Bul is-sharalarǵa ýchaskelik komısıalar qatyspaıdy», - dedi spıker. Buǵan deıin megapolıste 574 ýchaske daıyndalǵany týraly jazǵan bolatynbyz.