Atalmysh shara Almaty Gallery ǵımaratynda saǵat 11.00-de bastalady.
Almatyda 17 maýsym kúni 1920-1950 jyldardaǵy saıası qýǵyn-súrgin qurbandaryn eske alý kúnine arnalǵan «Biz» atty fotokórme ótedi, dep habarlaıdy Almaty-akshamy.kz.
İs-sharany Almaty qalasy ákimdigi janyndaǵy saıası qýǵyn-súrgin qurbandaryn tolyq saıası jáne zańdy aqtaý jónindegi qalalyq komısıa men «Shon» qory ótkizedi.
Kórmeniń maqsaty – qazaq jerine deportasıalanǵan jáne kúshtep qonys aýdarylǵan adamdardyń, ıaǵnı jazyqsyz qýǵyn-súrgin qurbandarynyń jeke isterin zertteý prızmasy negizinde sol qıyn-qystaý kezeń tarıhyna azamattardyń qyzyǵýshylyǵyn arttyrý. Ekspozısıalyq materıaldar retinde quqyq qorǵaý organdaryna tulǵany anyqtaý jáne taný maqsatynda sol kezdegi jeke isterden alynǵan qýǵyn-súrginge ushyraǵan adamdardyń muraǵattyq fotoqujattary qabyldanady.
Ýaqyt óte kele sarǵaıǵan muraǵattyq qujattar bizdiń elimiz úshin shyn máninde úlken tarıhı qundylyq bolyp tabylatyn kóptegen faktilerge jaryq berdi.
130-ǵa jýyq etnıkalyq toptardyń mádenıetteri toǵysqan búgingi Qazaqstannyń kúsh-qýaty – halqynyń izgi nıettestigi jáne onyń ózara yqpaldastyǵy nátıjesinde qalyptasqan mádenı baılyǵynda.
Ulttyq tarıhymyzdyń qıyn kezeńine aınalǵan elimizdiń ótkenine kóz júgirte otyryp, biz búgingi kúnimizde bar nárseni baǵalaı bilýdiń, táýelsiz Qazaqstandy saqtaý men damytý úshin qatelikterdi qaıtalamaýdyń ishki qajettiligin kúsheıtetin mańyzdy tájirıbe jınaqtaımyz. Árbir adam belgili bir mádenıettiń ókili retinde qazirgi Qazaqstannyń birtutas jáne qaıtalanbas mádenıetin qura otyryp, qoǵamnyń qalyptasýyna ózindik óshpes úlesin qosty.